• 2018-09-25 02:45:58
  • បាល់ទាត់

មាស ចាន់ណា ​គ្រោង​ឲ្យ​​​កីឡាករ​មួយ​ចំនួន​សម្រាកមុនពេល AFC Cup ?

  • 2018-09-25 02:45:58
  • ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់​ពី​​លើក​ពាន​ជើង​ឯក​លីគ​បាល់ទាត់​កំពូល​កម្ពុជា​ដែល​គ្រោង​នឹង​បញ្ចប់​នា​ចុង​សប្តាហ៍​​នេះ លោក មាស ចាន់ណា គ្រូ​បង្វឹក​ណាហ្គាវើល​​ គ្រោង​ឲ្យ​កីឡាករ​សំខាន់​ៗ​ចំនួន​សម្រាក​ មុន​ពេល​ពាន​រង្វាន់​​ទ្វីប​អាស៊ី​កម្រិត​ទី​២​ឈាន​ចូល​មក​ដល់។

លោក មាស ចាន់ណា

ណាហ្គាវើល នឹង​ត្រូវ​ប្រកួត​បញ្ចប់​​លីគ​​ជា​មួយ​ក្រុម​អគ្គស្នងការដ្ឋាន​នគរ​បាល​ជាតិ​ (ប៉ូលិស)​ នា​ថ្ងៃ​ទី​២៩ ខែ​កញ្ញា ចុង​សប្តាហ៍​នេះ​ បើ​​​ទោះ​ជា​ឈ្នះ ចាញ់ ឬ​ស្មើ​​ក្តី ក៏​នៅ​តែ​ឈ្នះ​ពាន​​ដដែល ដោយ​សារ​គិត​ត្រឹម​សប្ដាហ៍​ទី​២១ ​ណាហ្គាវើល​មាន៥៣​ពិន្ទុ ខណៈ​បឹងកេត​មាន ៤៩ ពិន្ទុ​។

ក្រោយ​ដឹង​ថា ឈ្នះ​​​ជើង​ឯក​លីគ​កំពូល​កម្ពុជា លោក​ មាស ចាន់ណា គ្រូ​បង្គោល​ក្លឹប​ណាហ្គាវើល​បាន​ឲ្យ​ដឹង​ថា លោក​កំពុង​រៀប​ចំ​ឲ្យ​កីឡាករ​ចាស់​ៗ​ក្នុង​ក្រុម ពោល​​គឺ​កីឡាករ​ដែល​មាន​បទ​ពិសោធ និង​​បង្ហាញ​ខ្លួន​​ញឹក​ញាប់​ជាង​គេ​​ បាន​សម្រាក​ខ្លះ​គឺ​ប្រហែល​ជា​២​សប្តាហ៍​។ កីឡាករ​ក្មេង​ៗ​មួយ​ចំនួន​ក៏​អាច​ទទួល​បាន​ការ​សម្រាក​​ប្រហែល​១​សប្ដាហ៍​ដែរ។

គ្រូ​បង្វឹក​រូប​នេះ​បញ្ជាក់​បន្ថែម​ទៀត​ថា ​ក្រោយ​ពេល​​ក្លាយ​ជា​ជើង​ឯក​លីគ​ហើយ ណាហ្គាវើល ទទួល​បាន​សិទ្ធិ​​ទៅ​​ប្រកួត​ 2019 AFC Cup ។ ដូច្នេះ​លោក​ក៏​កំពុង​ពិនិត្យ​មើល​ថា តើ​ការ​ប្រកួត​ Play-Off នឹង​ចាប់​​ផ្ដើម​ពេល​ណា ដើម្បី​រៀបចំ​កីឡាករ​ឲ្យ​បាន​សមស្រប​។

សម្រាប់​ពាន​ទី​២​ប្រចាំ​តំបន់​អាស៊ី​​មួយ​នេះ​មិន​ទាន់​រក​ឃើញ​ជើង​ឯក​​ប្រចាំ​​ឆ្នាំ​២០១៨​ នៅ​ឡើយ​គឺ​រហូត​ដល់​ថ្ងៃ​ទី​២៧ ខែ​តុលា ទើប​ប្រកួត​ផ្ដាច់​ព្រ័ត្រ​៕ ​​​​​​

ណាហ្គាវើល

អត្ថបទ៖ ស្រី សុវណ្ណដារ៉ា​

មតិយោបល់