- 2018-05-22 03:35:14
- ប្រដាល់
ចាន់ វឌ្ឍនាកា ប្រាក់ មុន្នីឧត្ដម នឹងត្រូវរត់អម ឃុន ឌីម៉ា ពេលទទួលភ្លើងគប់ពីព្រះមហាក្សត្រ
- 2018-05-22 03:35:14
- ចំនួនមតិ 0 | ចំនួនចែករំលែក 0
ចាន់ វឌ្ឍនាកា ប្រាក់ មុន្នីឧត្ដម នឹងត្រូវរត់អម ឃុន ឌីម៉ា ពេលទទួលភ្លើងគប់ពីព្រះមហាក្សត្រ
ចន្លោះមិនឃើញ
តារាបាល់ទាត់ឆ្នើមរបស់កម្ពុជាពីររូប ចាន់ វឌ្ឍនាកា និង ប្រាក់ មុន្នីឧត្តម ត្រូវបានជ្រើសរើសឲ្យរត់អមអ្នកប្រដាល់ម្ចាស់មេដាយមាស់ ស៊ីហ្គេម ២០១៧ ឃុន ឌីម៉ា បន្ទាប់ពីទទួលភ្លើងអតិទេពពីព្រះមហាក្សត្រនៅព្រះបររាជវាំងនាថ្ងៃបើកកីឡាជាតិលើកទី២។
ឯកឧត្តម វ៉ាត់ ចំរើន ប្រធានគណៈកម្មាធិការសម្របសម្រួលការងារទូទៅ នៃកម្មវិធីកីឡាជាតិ បានឲ្យដឹងថា តារាបាល់ទាត់ឆ្នើមដែលជា Idol របស់អ្នកគាំទ្រ ចាន់ វឌ្ឍនាកា ប្រាក់ មុន្នីឧត្តម រួមនិងក្រុមកីឡាល្បុក្តតោថែមទៀត នឹងត្រូវរត់អម ឃុន ឌីម៉ា នៅពេលដែលទទួលភ្លើងអតិទេពពីព្រះមហាក្សត្ររួច។ ពួកគេទាំងអស់ នឹងត្រូវរត់សាកល្បងនាថ្ងៃទី២៣ ស្អែកនេះហើយ ដើម្បីឲ្យស្ទាត់ និងចង់ដឹងពីរយៈពេលជាក់លាកពេលរត់នោះដែរ។
ប្រធានគណៈកម្មាធិការខាងលើ សំណូមពរដល់មហាជនទូទៅ កុំភ្លេចមកទស្សនាកម្សាន្ត ក៏ដូចជាលើកទឹកចិត្តដល់មនុស្សរាប់ពាននាក់ ដែលពួកគេខំប្រឹងប្រែង ហ្វឹកហាត់ និងសម្ដែងទស្សនីយភាពប្លែកៗ ស្អាត់ៗ អស្ចារ្យ នៅពេលនោះ។
រំលឹកដែរថា ព្រឹត្តិកាណ៍កីឡាជាតិលើកទី២នេះ នឹងបើកជាផ្លូវការថ្ងៃទី២៥ ខែឧសភា ឆ្នាំ២០១៨ ចាប់ពីម៉ោង៤ល្ងាចតទៅនៅឯពហុកីឡដ្ឋានជាតិ។ ព្រឹត្តិកាណ៍នេះ នឹងមាន២៧ប្រភេទកីឡាចូលរួមប្រកួតប្រជែងសមត្ថភាពគ្នា ដើម្បីរកអត្តពលិកឆ្នើមក្លាយជាម្ចាស់មេដាយប្រចាំកម្មវិធីនេះដែរ៕
