- 2017-10-20 06:49:56
- ព័ត៌មាន
ពិតជាកក្រើក រត់ប្រណាំង និងប្រណាំងកង់នៅបូកគោឆ្នាំនេះ មានប្រគំតន្ត្រីខ្នាតយក្សទៀត
- 2017-10-20 06:49:56
- ចំនួនមតិ 0 | ចំនួនចែករំលែក 0
ពិតជាកក្រើក រត់ប្រណាំង និងប្រណាំងកង់នៅបូកគោឆ្នាំនេះ មានប្រគំតន្ត្រីខ្នាតយក្សទៀត
ចន្លោះមិនឃើញ
ព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងនិងប្រណាំងកង់ឋានសួគ៌បូកគោនៅឆ្នាំនេះ នឹងកាន់តែកក្រើកខ្លាំងជាងឆ្នាំមុនៗ ស្របពេលក្រុមហ៊ុន Ganzberg និងសណ្ឋាគារសុខា បានបង្កើតការប្រគំតន្ត្រីធំជាប្រវត្តិសាស្ត្រនៅភ្នំនេះផងដែរ។
នេះជាលើកទី៤ហើយដែលក្រុមហ៊ុនខាងលើបានបង្កើតជាព្រឹត្តិការណ៍កីឡានេះឡើយ ក្នុងគោលបំណងប្រមូលប្រាក់ពីការចុះឈ្មោះចូលរួមប្រកួត យកទៅជួយដល់មន្ទីរពេទ្យគន្ធបុប្ផា។ ក្នុងឆ្នាំនេះដែរ វានឹងក្លាយជាឆ្នាំប្រវត្តិសាស្ត្រមួយនៅលើភ្នំបូកគោ ព្រោះមានការប្រគំតន្ត្រីធំបំផុតមិនធ្លាប់មានពីមុនមក ដោយមានសិល្បករ សិល្បការិនី ជាតិនិងអន្តរជាតិរហូតដល់៣០នាក់ឯណោះ។ ក្នុងនោះរួមមាន ឱក សុគន្ធកញ្ញា ពេជ្រ សោភា G-Devith រ៉េត ស៊ូហ្សាណា Step ខាន់ ជែម និងក្រុម Small World Small Band ជាដើម។
លើសពីនេះទៅទៀត លោក Fanz Josef Brune តំណាងក្រុមហ៊ុន Ganzberg ក៏បានបញ្ជាក់បន្ថែមថាក្រៅពីការប្រគំតន្ត្រីនេះទៅ ក៏នៅមានកម្មវិធី Adventure មួយទៀតដែរ ពោលគឺការបោះជំរំនៅលើភ្នំបូកគោផ្ទាល់តែម្ដង។ នេះជាបទពិសោធថ្មីមួយសម្រាប់អ្នកគ្រប់គ្នា ដែលចង់បានការបោះជំរំនៅលើកំពូលភ្នំ និងដំណើររុករកផ្សេងៗទៀតជាមួយក្រុមការងារដែលស្គាល់ទីកន្លែងច្បាស់។
៣លើកកន្លងមកដែលព្រឹត្តិការណ៍ខាងលើនេះប្រារព្ធឡើង លោក កៅ សិទ្ធ ប្រធានផ្នែកលក់របស់ក្រុមហ៊ុនសុខា បានបញ្ជាក់ថាពួកគេបានប្រមូលប្រាក់ចំនួនជាង១ម៉ឺនដុល្លាររូចហើយ ដើម្បីយកទៅជូនមន្ទីរពេទ្យគន្ធបុប្ផា។ ដោយលើកទី ៤នេះ រំពឹងថានឹងទទួលបានច្រើនបន្ថែមទៀត ព្រោះការចុះឈ្មោះកំពុងដំណើរការទៅបានយ៉ាងរលូន។
និយាយពីការចុះឈ្មោះចូលរួមរត់ប្រណាំងវិញ សម្រាប់ចម្ងាយ៥គីឡូម៉ែត្រ ត្រូវបង់៥ដុល្លារ ១០គីឡូម៉ែត្របង់១០ដុល្លារ និង១៥គីឡូម៉ែត្របង់១៥ដុល្លារ។ អ្នកចុះឈ្មោះអាចទាក់ទងតាមwww.bokormarathon.com ឬលេខទូរសព្ទ 016 616 126 សម្រាប់ព័ត៌មានលម្អិត។ ខណៈដែលការប្រកួតនឹងធ្វើឡើងនៅថ្ងៃទី២៨ខែតុលាឆ្នាំ២០១៧ខាងមុខនេះហើយ៕