សិក្ខាកាម ២៥នាក់ បញ្ចប់វគ្គបំប៉នគ្រូបង្វឹកជំនាញកីឡាទោចក្រយាន

2017-10-06 09:18:40
ព័ត៌មាន

2017-10-06 09:18:40
ចំនួនមតិ 0 | ចំនួនចែករំលែក 0

ចន្លោះមិនឃើញ

គណកម្មាធិការអូឡាំពិកកម្ពុជា សហការជាមួយសហព័ន្ធកីឡាទោចក្រយានកម្ពុជា បានរៀបចំបើកវគ្គបំប៉នបច្ចេកទេសគ្រូបង្វឹក ដែលបានប្រព្រឹត្តិទៅចាប់ពីថ្ងៃទី២ដល់ទី៦ខែតុលាឆ្នាំ២០១៧នេះ។

ដោយការបំប៉ននេះមានសិក្ខាកាមចំនួន២៥នាក់ មកពីក្លឹបត្រពាំងឈូក កង់ហោះ សាន់ប៊ែ គ្រួសាររីករាយ ងកជន តាខ្មៅ និងក្លឹបនៅខេត្តសៀមរាប។ មួយវិញទៀត ការបង្រៀនបច្ចេកទេសនេះដែរ គឺបង្រៀនដោយលោក Ramlan Latiff អ្នកជំនាញការដែលមានកម្រិតខ្ពស់ UCI ជនជាតិសិង្ហបុរី។ ឆ្លងកាត់ការសិក្សារយៈពេលប៉ុន្មានថ្ងៃមកនេះ សិក្ខាកាមទាំងអស់ទទួលបាននិទ្ទេស៣កម្រិត គឺនិទ្ទេសល្អ មាន៣នាក់ និទ្ទេសល្អបង្គួរមាន១៧នាក់ និងនិទ្ទេសមធ្យមមាន៥នាក់។

លោកឧកញ៉ា វង្ស ខាន់ពៅ

លោកឧកញ៉ា វង្ស ខាន់ពៅ អគ្គលេខាធិការសហព័ន្ធខ្មែរកីឡាទោចក្រយាន្តបានបញ្ជាក់ដែរថានេះជាការសិក្សាល្អមួយសម្រាប់កម្ពុជា ដើម្បីលើកកម្ពស់គុណភាពគ្រូបង្វឹកនិងកីឡាករ កីឡាការិនីកម្ពុជាឱ្យយល់បានច្រើនពីកីឡាទោចក្រយានកម្ពុជា។ បើសិនជាមានការបង្រៀនដូច្នេះច្រើន សហព័ន្ធកីឡាទោចក្រយានកម្ពុជា នឹងសង្ឃឹមកាន់តែច្រើនចំពោះការប្រកួតលើឆាកអន្តរជាតិផ្សេងៗទៀតនៅពេលខាងមុខ៕