- 2016-11-10 07:47:07
- ប្រដាល់
របួសដៃ សេន ប៊ុនថេន ធូរស្រាល៦០%ហើយ តែត្រូវសម្រាកប្រហែល៣ខែទៀត
- 2016-11-10 07:47:07
- ចំនួនមតិ 0 | ចំនួនចែករំលែក 0
របួសដៃ សេន ប៊ុនថេន ធូរស្រាល៦០%ហើយ តែត្រូវសម្រាកប្រហែល៣ខែទៀត
ចន្លោះមិនឃើញ
ពេលនេះកីឡាករជើងខ្លាំងជួរមុខរបស់កម្ពុជា សេន ប៊ុនថេន របួសដៃរបស់គេបានធូរស្រាលជាង៦០% ប៉ុន្តែលោកគ្រូពេទ្យប្រាប់ថា ត្រូវសម្រាកយ៉ាងតិច៣ខែទៀតទើបអាចប្រើប្រាស់ និងហ្វឹកហាត់ឡើងវិញបាន។
ជើងខ្លាំងចាស់វស្សា សេន ប៊ុនថេន បានឲ្យដឹងថា របួសគន្លាក់ស្មារបស់លោកភាពធូរស្រាលជាងមុនហើយបើគិតទៅប្រហែលជាង៦០%ហើយ។ ពេលនេះដៃរបស់លោកអាចលើកបាន និងអាចជិះម៉ូតូបាន ប៉ុន្តែនៅមិនទាន់ហ៊ានធ្វើអ្វីធ្ងន់នោះទេ។
កីឡាកររូបនេះនិយាយថា លោកគ្រូពេទ្យឲ្យសម្រាកយ៉ាងតិចណាស់ក៏៣ខែទៀតដែរទើបអាចធ្វើការងារដូចដើមឬហ្វឹកហាត់ឡើងវិញ។ ប៉ុន្តែដោយសារតែខ្លួនជាកីឡាករប្រដាល់ដែលតែងតែហ្វឹកហាត់ និងមិនសូវនៅស្ងៀមផងនោះ លោកក៏មកកាន់ក្លឹប Prokout ដែលជាកន្លែងលោកបង្ហាត់សិស្សរៀងរាល់ល្ងាចផងដែរ។
សេន ប៊ុនថេន ជាកូនសិស្សលោកគ្រូ មាស សុខគ្រី នៅក្លឹប តាព្រហ្មមានជ័យ ប្រកួតចាញ់កីឡាករថៃនៅសង្វៀន អាស៊ីអាគ្នេយ៍ កាលពីថ្ងៃទី២៨ ខែតុលា ឆ្នាំ២០១៦។ ការចាញ់កីឡាករថៃ ឌីប៊ុនជុង ម្នាក់នេះធ្វើឲ្យ សេន ប៊ុនថេន របួសគន្លាក់ស្មារហូតមកដល់ពេលនេះ៕