- 2020-02-28 02:55:35
- ប្រដាល់
ការវិលចូលសង្វៀនជាថ្មីរបស់ សែន រ៉ាដេត ធ្វើឲ្យអ្នកគាំទ្រទន្ទឹងចាំថ្ងៃប្រកួតឲ្យដល់ឆាប់ៗ
- 2020-02-28 02:55:35
- ចំនួនមតិ 0 | ចំនួនចែករំលែក 0
ការវិលចូលសង្វៀនជាថ្មីរបស់ សែន រ៉ាដេត ធ្វើឲ្យអ្នកគាំទ្រទន្ទឹងចាំថ្ងៃប្រកួតឲ្យដល់ឆាប់ៗ
ចន្លោះមិនឃើញ
អ្នកប្រដាល់ទម្ងន់ស្រាល សែន រ៉ាដេត នឹងវិលចូលសង្វៀនគុនខ្មែរជាថ្មីនៅថ្ងៃស្អែកនេះហើយក្នុងកម្មវិធីដណ្ដើមប្រាក់លានរបស់ CNC ខណៈការវិលមកនេះបានធ្វើឲ្យមហាជនចាប់អារម្មណ៍ជាខ្លាំង។
សែន រ៉ាដេត នៅតែជាកីឡាករក្នុងដួងចិត្តរបស់អ្នកទស្សនាប្រដាល់គុនខ្មែរ បើទោះជាជើងខ្លាំងរូបនេះផ្អាកការឡើងសង្វៀនរយៈពេលយូរឆ្នាំយ៉ាងណាក្ដី។ ដោយសារតែសមត្ថភាពខ្លាំងក្លា និងមិនចេះខ្លាចដៃគូ ប្រកួតដោយអស់ពីចិត្ត មិនចេះលក់ការប្រកួតផងនោះជាចំណុចពិសេស ដែលអ្នកប្រដាល់ដើមកំណើតមកពីខេត្តកោះកុងខាងលើនេះ ឆក់យកចិត្តអ្នកគាំទ្រដែលស្រឡាញ់ខ្លួនច្រើន និងទន្ទឹងថ្ងៃវិលចូលសង្វៀនជាថ្មីប៉ុណ្ណោះ។
កត្តាមួយទៀតដែលអ្នកនិយមគុនខ្មែរចង់ឃើញការប្រកួតដំបូងរបស់គេស្អែកនេះ ព្រោះចាំអ៊ុតមើលថាប្រកួតទី១ ក្រោយឈប់រយៈពេលប៉ុន្មានឆ្នាំនេះយ៉ាងម៉េចដែរក្បាច់ស្នៀត កម្លាំងនៅដូចមុន ឬធ្លាក់ឆ្ងាយជាងពីមុន។
កីឡាករ សែន រ៉ាដេត បច្ចុប្បន្ននេះជាអ្នកប្រដាល់នៅក្លឹបប៉ែនកាក។ អ្នកលេងគុនខ្មែរម្នាក់នេះនឹងត្រូវប្រកួតដណ្ដើមប្រាក់លានជាមួយកីឡាករថៃ ស៊ុពើ វីនឧប៊ុន លើប្រភេទទម្ងន់ ៥៤គីឡូក្រាម ក្នុងកម្មវិធីប្រដាល់របស់សង្វៀន CNC ថ្ងៃសៅរ៍ទី២៩ កុម្ភៈ ២០២០ ចាប់ពីម៉ោង ២រសៀលតទៅ៕