- 2020-02-19 01:54:23
- បាល់ទាត់
កីឡាករ Liverpool ៖ AT Madrid អបអរ ដូចបានឡើងហើយចឹង កុំភ្លេចជើងទី២ទៀត
- 2020-02-19 01:54:23
- ចំនួនមតិ 0 | ចំនួនចែករំលែក 0
កីឡាករ Liverpool ៖ AT Madrid អបអរ ដូចបានឡើងហើយចឹង កុំភ្លេចជើងទី២ទៀត
ចន្លោះមិនឃើញ
ក្រុមហង្សក្រហម Liverpool បានបរាជ័យក្រោមថ្វីជើងក្រុម Atletico Madrid ក្នុងលទ្ធផល ១-០ នៅទឹកដីអេស្ប៉ាញ ក្នុងការប្រកួតវគ្គ១៦ក្រុមចុងក្រោយពានរង្វាន់ UEFA Champions League ។
ការប្រកួតកាលពីយប់មិញម្ចាស់ផ្ទះបើកការនាំមុខតាំងពីដើមវគ្គទីមួយ ស៊ុតបញ្ចូលទីដោយខ្សែបម្រើ Saul Niguez នៅ៤នាទីដំបូងនៃវគ្គទីមួយ។ ក្រោយពីមានគ្រាប់បាល់នេះហើយ ក្រុម AT Madrid ចាប់ផ្ដើមលេងការពារ ខណៈដែលក្រុមការពារតំណែងជើងឯក Liverpool វិញ សម្រុកដែរ ប៉ុន្តែការសម្រុកនោះគ្មានផលឡើយ ពោលគឺស៊ុតមិនចំគោលដៅសូម្បី១ជើងផង។
Andy Robertson កីឡាកររបស់ក្រុម Liverpool ក្រោយចប់ការប្រកួត បាននិយាយថាក្រុម Atletico Madrid បានអបអរជ័យជម្នះជើងទី១នេះ ដូចជាពួកគេបានទម្លាក់ក្រុម Liverpool ត្រឹមវគ្គ១៦ក្រុមនេះអីចឹង។ កុំភ្លេចថា ការប្រកួតនៅសល់១ជើងទៀត នៅទឹកដី Anfield វិញម្ដង៕
