រិន សារ័ត្ន ប្ដេជ្ញាធ្វើឲ្យបានល្អបំផុតនៅប្រកួតបន្ទាប់ទៀតនៃពានរង្វាន់ TV5

2019-12-26 07:52:38
ប្រដាល់

2019-12-26 07:52:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីខេត្តព្រៃវែង រិន សារ័ត្ន ថានឹងប្ដេជ្ញាធ្វើឲ្យបានល្អបំផុត នៅប្រកួតបន្ទាប់ទៀតដើម្បីបានឱកាសឡើងទៅវគ្គសំខាន់នៃពានរង្វាន់ TV5 ទម្ងន់ ៦៣,៥គីឡូក្រាម លើសង្វៀនប៉ុស្តិ៍លេខ៥នេះ។

កីឡាករ រិន សារ័ត្ន

សារ័ត្ន បានឲ្យដឹងថា នេះជាលើកទី២ហើយដែលខ្លួនចូលរួមលេងពានរង្វាន់ TV5 នេះ ដោយលើកមុននោះលេងលើប្រភេទទម្ងន់ ៦៥គីឡូក្រាម ប៉ុន្តែលើកនេះលេងលើទម្ងន់ ៦៣,៥គីឡូក្រាមវិញម្ដង។ លើកទី១ គឺអ្នកប្រដាល់រូបនេះធ្លាក់នៅជុំទី២ ក្រោមថ្វីដៃសិស្សគុនមកពីឆត្រយោង ៩១១។

រិន សារ័ត្ន(ក្រហម)

អ្នកលេងគុនខ្មែរមិនសូវចេះនិយាយច្រើនរូបនេះបន្តថា ខ្លួនពិតជាអរគុណខ្លាំងណាស់ចំពោះស្ថានីយ៍ទូរទស្សន៍ប៉ុស្តិ៍លេខ៥ ដែលផ្ដល់ឱកាសជាថ្មីទៀត។ សារ័ត្ន ក៏នឹងប្ដេជ្ញាប្រកួតឲ្យអស់ពីសមត្ថភាព និងខំប្រឹងប្រែងហ្វឹកហាត់ដើម្បីប្រកួតឈ្នះបានឡើងទៅជុំបន្តបន្ទាប់ទៀត។ ចំពោះបេក្ខភាពទាំងអស់ក្នុងកម្មវិធីនេះគឺ កូនសិស្សលោក ហ៊ុន ច័ន្ទរាជ្យ ម្នាក់នេះថាមាន២រូបប៉ុណ្ណោះជាឧបសគ្គសម្រាប់ខ្លួន។

រិន សារ័ត្ន ពេលឈ្នះដៃគូ

រំលឹកដែរថា កីឡាករ រិន សារ័ត្ន បានឡើងទៅជុំទី២រួចហើយ ក្រោយអ្នកប្រដាល់រូបនេះឈ្នះដោយស្វ័យប្រវត្តិព្រោះដៃគូរក្សាទម្ងន់មិនបាន។ ប៉ុន្តែការប្រកួតបង្គ្រប់កិច្ចរបស់គេកាលពីថ្ងៃសៅរ៍សប្ដាហ៍មុននោះផ្ដួលកីឡាករ សល់ ពិសិដ្ឋ ក្នុងទឹកទី១៕

អត្ថបទ៖ នួន ស៊ីណា