- 2019-07-26 02:53:07
- ប្រដាល់
លាតត្រដាងរឿងពិតផ្អើលស្រុកខ្មែរថា Pacquiao វាយ Thurman បាក់ឆ្អឹងជំនី
- 2019-07-26 02:53:07
- ចំនួនមតិ 0 | ចំនួនចែករំលែក 0
លាតត្រដាងរឿងពិតផ្អើលស្រុកខ្មែរថា Pacquiao វាយ Thurman បាក់ឆ្អឹងជំនី
ចន្លោះមិនឃើញ
លើបណ្ដាញសង្គមក្នុងប្រទេសកម្ពុជាកាលពីម្សិលមិញ បានផ្ទុះព័ត៌មានអ្នកប្រដាល់អាស៊ី Manny Pacquiao បានវាយជើងខ្លាំងអាមេរិក Keith Thurman បាក់ឆ្អឹងជំនី តែនេះមិនមែនជារឿងពិតទេ។
តាមពិតទៅដើមចមដំបូង ក្នុងកិច្ចសម្ភាសន៍មួយអ្នកប្រដាល់អាមេរិកម្នាក់ឈ្មោះ Gary Antuanne Russell ទម្លាយថា Thurman ធ្លាប់បាក់ឆ្អឹងជំនីមុនពេលប្រកួតជាមួយ Pacquiao នៅទីក្រុង Las Vegas រដ្ឋ Nevada។
ដូច្នេះពេលប្រកួត Pacquiao បានដឹងពីចំណុចខ្សោយរបួសចាស់របស់ Thurman ធ្វើឲ្យគេព្យាយាមវាយសំដៅដងខ្លួនច្រើន។ ជាការពិតកីឡាករហ្វីលីពីនវ័យ៤០ឆ្នាំបានប្រើកណ្ដាប់ដៃធ្ងន់ៗវាយលើខ្លួនគូប្រកួត។ Pacquiao បានធ្វើឲ្យ Thurman ឈឺចាប់ត្រង់ឆ្អឹងជំនីខាងស្ដាំក្នុងទឹក១០តែមិនបាក់ទេ ធ្វើឲ្យការប្រកួតទាំងមូលផ្លាស់ប្ដូរ។
Thurman បានបង្ហាញអាការៈឈឺឆ្អឹងជំនីក្នុងទឹកនោះ ធ្វើឲ្យ Pacquiao គ្រប់គ្រងស្ថានការណ៍ដល់ទឹកទី១២ ឈ្នះពិន្ទុដណ្ដើមបានខ្សែក្រវាត់ WBA Super Welterweight៕