- 2019-07-25 02:22:52
- បាល់ទាត់
Klopp និយាយចេញពីមាត់មិនយក Coutinho មកវិញទេឆ្នាំនេះ ព្រោះហេតុផលមួយ
- 2019-07-25 02:22:52
- ចំនួនមតិ 0 | ចំនួនចែករំលែក 0
Klopp និយាយចេញពីមាត់មិនយក Coutinho មកវិញទេឆ្នាំនេះ ព្រោះហេតុផលមួយ
ចន្លោះមិនឃើញ
អ្នកចាត់ការរបស់ហង្សក្រហមលោក Jurgen Klopp បានបដិសេធមិនទិញយក Philippe Coutinho មក Liverpool វិញទេក្នុងរដូវក្ដៅនេះ។
ក្នុងកិច្ចសន្ទនាជាមួយ ESPN អ្នកចាត់ការដែលនាំ Liverpool ឈ្នះ Champions League រដូវកាលមុនបានសរសើរទៅកាន់ Coutinho ប៉ុន្តែបញ្ជាក់ថាហង្សក្រហមមិននាំយកខ្សែបម្រើរូបនេះមកវិញទេ ទោះបីក្លឹបមានគម្រោងបន្តប្រជែងជាមួយ Manchester City នៅ Premier League ក្នុងរដូវកាលថ្មីក៏ដោយ។
Coutinho បានបង្កើតកំណត់ត្រាផ្ទេរទៅកាន់ក្លឹប Barcelona ក្នុងតម្លៃ១៤៥លានផោន កាលពីខែ មករា ឆ្នាំ ២០១៨ ប៉ុន្តែគេហាក់មិនជោគជ័យក្នុងដីថ្មី ក្រោមការដឹកនាំរបស់លោក Ernesto Valverde។ បន្ទាប់ពីការមកដល់របស់ Antoine Griezmann ផ្ទេរពី Atletico Madrid ក្នុងខែនេះក្នុងតម្លៃ១០៨លានផោន Barca កំពុងរកច្រកលក់ Coutinho ចេញ។
ត្បិត Klopp នៅតែចេញចិត្តកីឡាករសញ្ជាតិប្រេស៊ីលខាងលើ តែលោកមិនទាន់ចង់ទិញគេមកពេលនេះទេ។ “Phil Coutinho បានជួយក្រុមនីមួយៗក្នុងពិភពលោក គេនៅតែ១០០%។ ខ្ញុំចូលចិត្ត Phil គេជាកីឡាករល្អម្នាក់ ប៉ុន្តែត្រូវការចំណាយលុយច្រើន ច្រើន ច្រើន ច្រើន ច្រើន ដើម្បីទិញគេ ដូច្នេះនេះមិនមែនជាឆ្នាំដែលពួកយើងត្រូវធ្វើបែបនេះទេ”៕