Marina Granovskaia ស្រ្តីដ៏មានឥទ្ធិពលក្នុងពិភពបាល់ទាត់ និង ពីក្រោយការផ្ទេររបស់ Hazard

2019-06-08 08:43:00
បាល់ទាត់

2019-06-08 08:43:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រាប់ពី Kevin De Bruyne ដល់ Mohamed Salah ម្ចាស់ក្លឹប Chelsea ហាក់មិនសូវកាក់កបសោះរឿងលក់កីឡាករ។

ម៉ារីណា ហ្គ្រាណូវស្កាយអា ដែលជាអ្នកសម្របក្នុងផ្ទេរ Hazard ទៅ Real

នោះរហូតដល់សេដ្ឋីរុស្ស៊ីប្រគល់អំណាចឲ្យស្រ្តីម្នាក់នោះគឺ ម៉ារីណា ហ្គ្រាណូវស្កាយអា (Marina Granovskaia) ដែលឥឡូវជាអ្នកសម្រេចលើបញ្ហាធំៗរបស់ក្លឹប ហើយការលក់ Eden Hazard របស់អ្នកស្រី ធ្វើឲ្យកីឡាករវ័យ២៨ឆ្នាំ បានក្លាយទៅជាកីឡាករដែល Chelsea អាចលក់បានតម្លៃថ្លៃបំផុតក្នុងប្រវត្តិសាស្ត្ររបស់តោខៀវ។

Abramovich ជឿទុកចិត្តខ្លាំងថាអ្នកស្រីតែងប្រាប់គាត់ពីការពិត

អ្នកស្រីគឺជាសមាជិកក្រុមប្រឹក្សាភិបាលរបស់ក្លឹប ដែលទទួលខុសត្រូវទៅលើ ការដោះដូរកីឡាករ ធ្វើកុងត្រា និង ជាអ្នកទទួលខុសត្រូវក្រុមកីឡាករថ្នាលយុវជនរបស់ក្លឹបផងដែរ។

នៅពេលសង្គ្រាមនយោបាយរវាងអង់គ្លេស រុស្ស៊ីផ្ទុះឡើង លោក Abramovich មិនត្រូវបានគេអនុញ្ញាតឲ្យចូលទឹកដីអង់គ្លេស ជាងនេះទៅទៀតបន្ទាប់ពីនាយកកីឡាលោក Michael Emenalo បានលាឈប់ក្នុងឆ្នាំ២០១៧ អ្នកស្រី ហ្គ្រាណូវស្កាយអា គឺជាក្ដាប់អំណាចពេញដៃ ហើយក៏ជាអ្នកដែលនាំភាពរុងរឿងសម្រាប់ Chelsea។

Abramovich លែងឃើញវត្តមាននៅ Chelsea តាំងពីខែមេសាឆ្នាំមុន

អ្នកស្រីបញ្ចប់ការសិក្សាថ្នាក់ភាសាបរទេសនៅសាកលវិទ្យាល័យរដ្ឋម៉ូស្គូដែលអាចប្រើភាសាអង់គ្លេសបានយ៉ាងស្ទាត់ជំនាញ។ ស្រ្តីរូបនេះហើយក៏ជាអ្នកដែលពូកែទំនាក់ទំនង ហើយក៏ជាអ្នកអូសទាញ Nike ផ្តល់មូលនិធិ ៦០ លានផោន (៧៦ លានដុល្លារ) ក្នុង១ឆ្នាំៗដល់ Chelsea រហូតដល់ឆ្នាំ ២០២២។

អ្នកស្រី ហ្គ្រាណូវស្កាយអា បញ្ចប់ការសិក្សាថ្នាក់ភាសាបរទេសនៅសាកលវិទ្យាល័យរដ្ឋម៉ូស្គូ

ដូច Abramovich ដែរ អ្នកស្រីហ្គ្រាណូវស្កាយអា កម្របង្ហាញនៅទីសាធារណៈណាស់ យ៉ាងច្រើនត្រឹមបង្ហាញខ្លួនជា background ហើយក៏កម្រនិយាយជាសាធារណៈណាស់។

គ្មានបទពិសោធន៍ក្នុងវិស័យបាល់ទាត់ ប៉ុន្តែហ្គ្រាណូវស្កាយអាជាស្ត្រីដ៏មានឥទ្ធិពល

ដំបូងឡើយក្នុងនាមជាជំនួយការនៅរោងចក្រផលិតប្រេង Sibneft របស់ Abramovich ហើយរហូតមកដល់ឆ្នាំ ២០០៣ នៅពេលមហាសេដ្ឋីរុស្ស៊ីទិញក្លឹប Chelsea អ្នកស្រីក៏មិនទាន់ប្រលូកក្នុងពិភពបាល់ទាត់នៅពេលនោះនៅឡើយទេ។

ប៉ុន្តែក្រោយមកក្មេងស្រីដែលគ្រូរបស់គាត់ធ្លាប់ដាក់ងារ "មាត់ប្រផេះ (grey mouse” បានក្លាយទៅជាស្រ្តីម្នាក់ដ៏មានឥទ្ធិពលនៅក្នុងពិភពបាល់ទាត់។

ហ្គ្រាណូវស្កាយអា ដែលបច្ចុប្បន្នមានអាយុ ៤៤ ឆ្នាំមានសញ្ជាតិរុស្ស៊ី និង កាណាដាទៅកាន់ទីក្រុងឡុងក្នុងនាមជាប្រធានក្លឹប Chelsea អំឡុងពេលដែល Abramovich មិនអាចចូលទៅកាន់ទឹកដីអង់គ្លេសបានដោយសារបញ្ហាទិដ្ឋាការ។

ហ្គ្រាណូវស្កាយអា សួរសុខទុក្ខលោក Mourinho នៅវគ្គផ្តាច់ព្រ័ត្រ FA Cup កាលពីឆ្នាំមុន

ហ្គ្រាណូវស្កាយអា គ្មានបទពិសោធន៍ក្នុងពិភពកីឡាករទេ ប៉ុន្តែលោក Abramovich ជឿទុកចិត្តខ្លាំងថាអ្នកស្រីតែងប្រាប់គាត់ពីការពិត។ ដូច្នេះហើយបានជាអ្នកស្រីបានបញ្ចុះបញ្ចូល Abramovich មិនឲ្យលក់ Didier Drogba បន្ទាប់ពី Chelsea ចាញ់ Barcelona នៅវគ្គពាក់កណ្ដាលផ្ដាច់ព្រ័ត្រក្របខ័ណ្ឌ Champions League កាលពីឆ្នាំ ២០០៩។

២ឆ្នាំក្រោយមក ក្លឹបតោខៀវបាននាំយក Fernando Torres មកពី Liverpool ក្នុងតម្លៃបំបែកកំណត់ត្រាកីឡាករនៅអង់គ្លេស ៥០ លានផោន (៦៣ លានដុល្លារ)។

អ្នកស្រីក៏ជាអ្នកនៅពីក្រោយខ្នងការតែងតាំង Jose Mourinho សាជាថ្មីបន្ទាប់ពីបែកផ្លូវគ្នាអស់រយៈពេល៦ឆ្នាំ ហើយគ្រូបង្វឹក Chelsea បច្ចុប្បន្នគឺលោក Maurizio Sarri ក៏ត្រូវបានអ្នកស្រីជាអ្នកតែងតាំងជំនួស Antonio Conte៕

អាន៖ Abramovich ទម្លាយថាលោកអាចទិញក្លឹប Arsenal មិនមែន Chelsea ទេ តែដោយសារកំហុសធនាគារស្វីស

អាន៖ វិបត្តិ Chelsea៖ ប្រធានក្លឹបផុតកំណត់ Visa កីឡាករមិនទាន់បន្តកុងត្រា គ្រូបង្វឹកស្រពិចស្រពិល

ប្រភព៖ thesun ប្រែសម្រួល៖ សុខ លាងហ៊ត