- 2019-04-09 03:27:02
- បាល់ទាត់
Sarri ថា ១០០លានផោនសម្រាប់តម្លៃខ្លួនរបស់ Hazard នៅថោកណាស់
- 2019-04-09 03:27:02
- ចំនួនមតិ 0 | ចំនួនចែករំលែក 0
Sarri ថា ១០០លានផោនសម្រាប់តម្លៃខ្លួនរបស់ Hazard នៅថោកណាស់
ចន្លោះមិនឃើញ
អ្នកចាត់ការ Maurizio Sarri បាននិយាយថា តម្លៃខ្លួន១០០លានផោនសម្រាប់ខ្សែបម្រើប្រយុទ្ធ Eden Hazard ពិតជាថោកខ្លាំងណាស់។
Hazard វ័យ២៨ឆ្នាំបានបង្ហាញសមត្ថភាពយ៉ាងអស្ចារ្យ ពេលដែលតោខៀវយកឈ្នះ ២-០ លើ West Ham នៅកីឡដ្ឋាន Stamford Bridge កាលពីយប់មិញ។ កីឡាករសញ្ជាតិបែលហ្ស៊ិកជាអ្នករកបានទាំងពីរគ្រាប់ ដោយមួយគ្រាប់ដំបូងអូសដាច់គូប្រជែងជាច្រើននាក់។
Hazard ត្រូវបាន Real Madrid ទាក់ទងប៉ុន្មានរដូវកាលមកហើយ សម្រាប់រដូវកាលនេះ Zinedine Zidane គ្រោងចំណាយ១០០លានផោនទិញរូបគេមកកាន់ប្រទេសអេស្ប៉ាញ។ យ៉ាងណាមិញលោក Maurizio Sarri ដែលជាអ្នកចាត់ការរបស់ Chelsea យល់ឃើញថា តម្លៃនេះនៅថោកណាស់សម្រាប់កីឡាកររបស់លោក។ “Hazard លេងបានល្អណាស់សម្រាប់ការប្រកួតជាមួយWest Ham។ ១០០លានផោនពិតជាថោកណាស់ក្នុងទីផ្សារ។ វាពិតជាពិបាកក្នុងការរក Hazard ទីពីរ កម្រិតលេងរបស់គេគឺខ្ពស់ណាស់"៕
