- 2019-01-28 09:43:06
- ប្រដាល់
ឡុង សុភី ម៉ាណាវថង ជក់ចិត្តខ្លាំងម្សិលមិញចប់ប្រកួតម្នាក់៥ថ្នេរ ម្នាក់បែកច្រមុះ
- 2019-01-28 09:43:06
- ចំនួនមតិ 0 | ចំនួនចែករំលែក 0
ឡុង សុភី ម៉ាណាវថង ជក់ចិត្តខ្លាំងម្សិលមិញចប់ប្រកួតម្នាក់៥ថ្នេរ ម្នាក់បែកច្រមុះ
ចន្លោះមិនឃើញ
សម្រាប់ការប្រកួតមិត្តអន្តរជាតិម្សិលមិញនេះនៅ CNC ជក់ចិត្តខ្លាំងរវាងអ្នកលេងជង្គង់ ឡុង សុភី ស្វាគមន៍ជើងខ្លាំងមកពីថៃ ម៉ាណាវថង សងទៅសងមករហូតចប់៥ទឹក។
ប្រកួតមិត្តភាពលើកនេះ អាចថាជាការប្រកួតលំបាកមួយរបស់ជើងខ្លាំងកម្ពុជា ឡុង សុភី ឬ នី សុភី ព្រោះរាល់ការប្រកួតភាគច្រើនរបស់គេគឺកម្រមានកីឡាករបរទេសរូបណាអាចវ៉ៃកែង ឬជង្គង់ធ្វើធ្វើឲ្យស្រុតក៏ដូចជាបែកនោះឡើយ។ ការប្រកួតនេះចាប់ផ្ដើមមិនទានបានប៉ុន្មានផង សុភី ត្រូវកីឡាករថៃ ម៉ាណាវថង ធាក់១ជើងពេញកណ្ដាប់មុខបាត់ទៅហើយ។
អ្នកប្រដាល់ដើមកំណើតមកពីខេត្តបាត់ដំបងរូបនេះព្យាយាមដើរចូលវ៉ៃយកពិន្ទុដូចរាល់ដឹង និងចាប់វ៉ៃជង្គង់ ប៉ុន្តែលើកនេះមិនសូវស្រួលឡើយ ការចូលចាប់បានមែនក៏ត្រូវនិងកែងគាស់ឡើងលើរបស់កីឡាករថៃចង់បាត់ស្មារតីម្ដងៗដែរ ខណៈការវ៉ៃសងទៅសងមកមានទាំងកណ្ដាប់ដៃ រួមទាំងកែងមានជាហូរហែ។ មុនបញ្ចប់ទឹកទី៥ គេមើលឃើញថាអ្នកប្រដាល់ឆ្លងដែនមកពីថៃ ហាក់អស់ខ្យល់ខ្លាំងជាង នី សុភី កម្ពុជាទៅទៀត។
ចំពោះការប្រកួតមិត្តភាពអន្តរជាតិរបស់សង្វៀន CNC រវាង ឡុង សុភី និង ម៉ាណាវថង ថ្ងៃអាទិត្យម្សិលមិញនេះជាលទ្ធផលចុងក្រោយ បានត្រឹមផ្ញើប៉ុណ្ណោះ ប៉ុន្តែអ្នកប្រដាល់កម្ពុជាត្រូវដេរថ្ងាសចំនួន ៥ថ្នេរ រីឯថៃ បែកច្រមុះផងដែរ៕
វីដេអូប្រកួត៖