- 2019-01-17 07:59:02
- ប្រដាល់
ក្លឹប ចាន់ រតនា ទទួលបានសម្ភារៈហ្វឹកហាត់ពីអង្គភាពកីឡាក្រសួងមហាផ្ទៃ
- 2019-01-17 07:59:02
- ចំនួនមតិ 0 | ចំនួនចែករំលែក 0
ក្លឹប ចាន់ រតនា ទទួលបានសម្ភារៈហ្វឹកហាត់ពីអង្គភាពកីឡាក្រសួងមហាផ្ទៃ
ចន្លោះមិនឃើញ
កីឡាករឆ្នើមទាំងសេរី និងគុនចម្រុះ ចាន់ រតនា តំណាងក្លឹបប្រដាល់របស់ខ្លួនមកទទួលសម្ភារៈសម្រាប់ហ្វឹកហាត់មួយចំនួន រួមទាំងបណ្ដាក្លឹបជាង១០ផ្សេងទៀត កាលពីព្រឹកមិញនេះនៅអង្គភាពកីឡាក្រសួងមហាផ្ទៃក្នុងពហុកីឡដ្ឋានជាតិ។
ឯកឧត្ដម ជា ប៊ុនហេង ប្រធានអង្គភាពកីឡាក្រសួងមហាផ្ទៃបានឲ្យដឹងថា សម្ភារៈហ្វឹកហាត់ទាំងនេះគិតជាទឹកប្រាក់ប្រហែលជា១ពាន់ដុល្លារអាមេរិកដែលជាជំនួយរបស់ដៃគូសហការរបស់អង្គភាព សម្រាប់ជួយសម្រួលដល់កីឡាផ្សេងៗ បូករួមទាំងប្រដាល់ផងដែរ។
អ្នកជំនាញខាងកីឡារូបនេះលើកឡើងទៀតថា សម្ភារៈហ្វឹកហាត់បន្តិចបន្តួចនេះសង្ឃឹមថានឹងជួយដល់កិច្ចការហ្វឹកហាត់ ក៏ដូចជាសម្រួលការលំបាកខ្លះៗរបស់ក្លឹបប្រដាល់នានាបានមួយចំនួន។ ឯកឧត្ដមសំណូមពរដល់តំណាងក្លឹបទាំងអស់នឹងយកសម្ភារៈនេះទៅហ្វឹកហាត់ឲ្យបានត្រឹមត្រូវ និងចេះថែរក្សាឲ្យបានគង់វង្សល្អ។
កម្មវិធីប្រគល់សម្ភារៈហ្វឹកហាត់ និងថវិកាមួយនេះធ្វើឡើងនៅអង្គភាពកីឡាក្រសួងមហាផ្ទៃ។ សម្ភារៈទាំងនោះត្រូវបានផ្ដល់ជូនដល់ ៤ប្រភេទកីឡា រួមមានកីឡាហាប់គីដូ តេក្វាន់ដូ ITF តេក្វាន់ដូ WTF និងប្រដាល់គុនខ្មែរ(១៤ក្លឹប)៕
