VAR ដើរតួយ៉ាងសំខាន់ក្នុងជ័យជម្នះ Juventus យប់មិញ

2018-12-30 06:32:15
ព័ត៌មាន

2018-12-30 06:32:15
ចំនួនមតិ 0 | ចំនួនចែករំលែក 0

ចន្លោះមិនឃើញ

Juventus បានបន្តដំណើរយ៉ាងរលូនក្នុងដំណើរឆ្ពោះទៅកាន់ជើងឯកអ៊ីតាលី Serie A បន្ទាប់ពីយកឈ្នះ Sampdoria ២ទល់នឹង១កាលពីយប់មិញ។

ក្រុមរហស្សនាមថាសេះបង្កង់មិនដែលស្គាល់ពាក្យថាចាញ់ឡើយនៅ១៩ប្រកួតកន្លងមកក្នុងនោះឈ្នះ១៧ និងស្មើ២ មាន៥៣ពិន្ទុនៅកំពូលតារាង ខណៈក្រុមលេខ២ដែលកំពុងដេញពីក្រោយនោះមានតែ៤៤ពិន្ទុប៉ុណ្ណោះ។ យ៉ាងណាការប៉ះគ្នារវាងក្រុមទាំងពីរមានការចាប់អារម្មណ៍ចំពោះការដើរតួយ៉ាងសំខាន់របស់វីដេអូជំនួយអាជ្ញាកណ្ដាល VAR។

VAR បានធ្វើរឿង៣ក្នុងការផ្លាស់ប្ដូរការសម្រេចចិត្តរបស់អាជ្ញាកណ្ដាលដែលមានដូចជានៅនាទី៣២ Can អតីតកីឡាករ Liverpool បានប៉ះដៃក្នុងប្រអប់ដោយចេតនាធ្វើឲ្យអាជ្ញាកណ្ដាលផ្ដល់ប៉េណាល់ទីឲ្យ Sampdoria តាមស្មើគ្រាប់ Ronaldo ដែលស៊ុតនាំមុខតាំងពីដើមវគ្គទីមួយ។

បន្ទាប់មកនាទី៦៣ Juve បានលើកបាល់ជ្រុងដោយ Miralem Pjanic ហើយទៅប៉ះដៃ Alex Ferrari ធ្វើឲ្យអាជ្ញាកណ្ដាលផ្ដល់បាល់ប៉េឲ្យ Juve វិញម្ដងតាមការពិភាក្សាជាមួយ VARហើយ Ronaldo ជាអ្នកបញ្ចប់ទីបានសម្រេច។

ចុងក្រោយនៅនាទី៩០+២ទៅហើយ Sampdoria មានឱកាសតាមស្មើ ប៉ុន្តែ VAR មើលឃើញថាបាល់របស់កីឡាករ Saponara ស្ថិតនៅក្នុងជំហរក្រៅល្បែង (Offside) ហើយអាជ្ញាកណ្ដាលបានរំសាយគ្រាប់បាល់វិញធ្វើឲ្យ Juventus បាន៣ពិន្ទុពីការប្រកួតនោះ៕

ប្រភព៖ Four Four Two ប្រែសម្រួល៖ វីរ័ត្ន