- 2018-12-07 00:37:58
- ព័ត៌មាន
Messi តូចត្រូវជម្លៀសចេញពីស្រុកកំណើតដោយសារសង្គ្រាម
- 2018-12-07 00:37:58
- ចំនួនមតិ 0 | ចំនួនចែករំលែក 0
Messi តូចត្រូវជម្លៀសចេញពីស្រុកកំណើតដោយសារសង្គ្រាម
ចន្លោះមិនឃើញ
កុមារអាហ្វហ្គានីស្ថានដែលជាអ្នកគាំទ្រផ្គាប់មុខរបស់ Lionel Messi ដ៏ល្បីល្បាញលើបណ្ដាញអនឡាញពេលនេះត្រូវជម្លៀសចេញពីផ្ទះរបស់គេជាលើកទីពីរដោយសារកត្តាអសន្តិសុខ បណ្ដាលមកពីសង្គ្រាម។
Murtaza Ahmadi បច្ចុប្បន្នវ័យ៧ឆ្នាំ ធ្លាប់ទទួលការចាប់អារម្មណ៍ខ្លាំងកាលពីឆ្នាំ២០១៦ ក្រោយគេបានយកថង់ សរសេរឈ្មោះ និងលេខរបស់ Messi យកមកពាក់ដោយសារតែគ្មានលទ្ធភាពទិញអាវ។ កុមាររូបនេះក្រោយមកមានឱកាសជួប Idol របស់គេនៅប្រទេសកាតា។
ក្រុមគ្រួសាររបស់ Ahmadi ដែលរស់នៅក្នុងខេត្ត Ghazni បានឲ្យដឹងថាពួកគេត្រូវបង្ខំចិត្តចាកចោលផ្ទះសារជាថ្មីបន្ទាប់ពីមានការគំរាមកំហែងដោយក្រុមភេរវករ តាលីបង់។ បច្ចុប្បន្នក្រុមទាហានបានបញ្ជូនពលរដ្ឋនៅទីនោះឆ្ពោះទៅរដ្ឋធានី Kabul ដើម្បីសុវត្ថិភាព៕
