- 2018-11-02 04:36:12
- វិភាគ
AFF៖ ប្រាក់ ធីវ៉ា ស្ថិតក្នុងចំណោមកីឡាករ៥នាក់មានឥទ្ធិពលនៅពូល A
- 2018-11-02 04:36:12
- ចំនួនមតិ 0 | ចំនួនចែករំលែក 0
AFF៖ ប្រាក់ ធីវ៉ា ស្ថិតក្នុងចំណោមកីឡាករ៥នាក់មានឥទ្ធិពលនៅពូល A
ចន្លោះមិនឃើញ
មុនការប្រកួត AFF Suzuki Cup ២០១៨ មកដល់នៅថ្ងៃទី ៨ ខែ វិច្ឆិកា ឆ្នាំ ២០១៨ វិបសាយរបស់កម្មវិធីមួយនេះបានបញ្ចេញកីឡាករ៥រូបមានឥទ្ធិពលក្នុងពូល A ដែលមានកម្ពុជា វៀតណាម មីយ៉ាន់ម៉ា ម៉ាឡេស៊ីនិងឡាវស្ថិតក្នុងពូលនេះ។ កីឡាករប្រាក់ ធីវ៉ា ត្រូវបានគេជ្រើសរើសជាកីឡាករគួរឲ្យចាប់អារម្មណ៍ខ្លាំងសម្រាប់ជម្រើសជាតិកម្ពុជា៖
១. ប្រាក់ ធីវ៉ា (កម្ពុជា)
ក្រោមការដឹកនាំរបស់អ្នកចាត់ការថ្មីរបស់ក្រុមជម្រើសជាតិកម្ពុជា ប្រាក់ ធីវ៉ាត្រូវបានផ្ដល់ឱកាសលេងជម្រើសដំបូងសម្រាប់ប្រកួតមិត្តភាព២ប្រកួតចុងក្រោយជាមួយទីម័រខាងកើតនិងសិង្ហបុរី។ កីឡាករវ័យ១៩ឆ្នាំសមាជិករបស់ក្លឹបភ្នំពេញក្រោន ត្រូវបានគេចាត់ទុកជាខ្សែប្រយុទ្ធមានការបញ្ចប់ទីល្អ និងអាចជាដៃគូយ៉ាងសំខាន់ជាមួយ ចាន់ ចាន់ វឌ្ឈានាកា។
២. Pham Duc Huy (វៀតណាម)
ក្នុងក្រុមមួយសំបូរទៅដោយកីឡាករមានទេពកោសល្យ Pham Duc Huy ត្រូវបានគេកត់សម្គាល់ជាកីឡាករសំខាន់ម្នាក់ក្នុងក្រុមជម្រើសជាតិវៀតណាម។ គេចាប់ផ្ដើមមានការចាប់អារម្មណ៍ខ្លាំងនៅឆ្នាំនេះក្នុងព្រឹត្តិការណ៍ AFC U23 Championship ពេលដែលទាត់បញ្ចូលទីលើក្រុមអ៊ីរ៉ាក់ក្នុងវគ្គ៨ក្រុមចុងក្រោយ។ កីឡាករវ័យ២៣ឆ្នាំអាចនឹងដើរតួនាទីនាំលេងសម្រាប់ព្រឹត្តិការណ៍ AFF Suzuki Cup។
៣. Norshahrul Idlan Talaha (ម៉ាឡេស៊ី)
ជម្រើសជាតិម៉ាឡេស៊ីពិតជាពិបាករកខ្សែប្រយុទ្ធខ្លាំងដើម្បីរកគ្រាប់បាល់នៅលើឆាកអន្តរជាតិ ប៉ុន្តែបទពិសោធន៍របស់ Talaha គ្រប់គ្រាន់ឲ្យគេបន្តលេងក្នុងពាន AFF Suzuki Cup ២០១៨នេះ។ រកគ្រាប់បាល់ចុងក្រោយបំផុតបាននៅឆ្នាំ២០១៤ កីឡាករវ័យ៣២ឆ្នាំសង្ឃឹមនឹងរកបានគ្រាប់នៅកម្មវិធីនេះ និងអាចជាចាស់ទុំជួយជ្រោមជ្រែងដល់យុវជនក្នុងក្រុមជម្រើសជាតិ។
៤. Soukaphone Vongchiengkham (ឡាវ)
ឡាវមិនសូវមានតារាឆ្នើមលេចធ្លោដូចក្រុមជម្រើសជាតិដទៃ ប៉ុន្តែកីឡាករម្នាក់ដែលជាខ្សែប្រយុទ្ធគឺ Soukaphone Vongchiengkham គ្រប់គ្នាមិនគួររំលង។ កីឡាករវ័យ២៦ឆ្នាំគឺជាប្រធានក្រុមល្អម្នាក់ក្នុងជម្រើសជាតិឡាវ និងជាកីឡាករមានការគោរព សរសើរច្រើនក្នុងក្រុម។ ហើយក៏ជាផ្នែកដ៏សំខាន់មួយនៃភាពជោគជ័យនៃជម្រើសជាតិក្នុងពាន AFF Suzuki Cup។
៥. David Htan (មីយ៉ាន់ម៉ា)
David Htan ខ្សែការពារកណ្ដាលមានបទពិសោធន៍ពេញខ្លួននឹងដើរតួនាទីយ៉ាងសំខាន់សម្រាប់តំបន់ការពារ៤ខាងក្រោម តទល់នឹងសត្រូវក្នុងពូល A។ AFF Suzuki Cup លើកចុងក្រោយកីឡាករវ័យ២៨ឆ្នាំក៏បានចូលរួម ត្បិតមិនសូវខ្ពស់ប៉ុន្តែគេបំពេញតួនាទីល្អនៅផ្នែកខាងក្រោម៕