- 2018-07-20 23:30:00
- ប្រដាល់
ឡៅ ស៊ីណាត បារម្ភជុំដំបូង ចន្រ្ទា ប៉ះ នឹងត្រាកាន ក្នុងការប្រកួតដណ្តើមប្រាក់លានល្ងាចនេះ
- 2018-07-20 23:30:00
- ចំនួនមតិ 0 | ចំនួនចែករំលែក 0
ឡៅ ស៊ីណាត បារម្ភជុំដំបូង ចន្រ្ទា ប៉ះ នឹងត្រាកាន ក្នុងការប្រកួតដណ្តើមប្រាក់លានល្ងាចនេះ
ចន្លោះមិនឃើញ
អតីតអ្នកប្រដាល់ជើងខ្លាំងគុនខ្មែរ ឡៅ ស៊ីណាត បារម្ភខ្លះៗនៅជុំដំបូងរបស់ប្អូនប្រុស ឡៅ ចន្រ្ទា ដែលត្រូវតទល់នឹងជើងខ្លាំងរបស់ថៃ នឹងត្រាកាន ក្នុងកម្មវិធីប្រដាល់ម៉ារ៉ាតុងដណ្ដើមប្រាក់លាននៅសង្វៀន CNC ល្ងាចនេះ។
ឡៅ ស៊ីណាត បានឲ្យដឹងថា ជំនួបដណ្ដើមប្រាក់លានស្អែកនេះរបស់ប្អូនប្រុសលោកគឺជួបដៃគូចាស់ នឹងត្រាកាន ហើយបេក្ខភាពផ្សេងៗទៀតសុទ្ធតែអ្នកធ្លាប់ជួបកន្លងមកហើយ។ ការប្រកួតនេះអាចពិបាកបន្តិចសម្រាប់ជុំដំបូងជាមួយ នឹងត្រាកាន ពីព្រោះអ្នកប្រដាល់ថៃម្នាក់នេះក៏ជាកីឡាករល្អម្នាក់ដែរ។ ដូច្នេះ ឡៅ ចន្ទ្រា មិនអាចមើលស្រាលសមត្ថភាពដៃគូបានឡើយ។ ប៉ុន្តែប្រសិនបើឈ្នះការប្រកួតជុំទី១ហើយ អាចថាសង្ឃឹមច្រើននឹងឈ្នះកម្មវិធីប្រាក់លាននេះ។
បើនិយាយពីការហ្វឹកហាត់វិញ ចៅក្រមខាងរូបនេះលើកឡើងថា បច្ចុប្បន្ន ឡៅ ចន្ទ្រា ភាគច្រើនហ្វឹកហាត់នៅឯពហុកីឡដ្ឋានជាតិជាមួយក្រុមជម្រើសរើសជាតិគុនខ្មែរដទៃទៀត និងឆ្លៀតហាត់បន្ថែមទៀតនៅក្លឹប។ លោកសង្ឃឹម ៧០% លើប្អូនប្រុស ឡៅ ចន្រ្ទា នឹងអាចឈ្នះប្រាក់លាននេះ។
ឡៅ ចន្រ្ទា នឹងប៉ះ នឹងត្រាកាន ហើយ ពុទ្ធ ឆាយរិទ្ធី ប៉ះ រ៉ុងណាផា ល្ងាចថ្ងៃសៅរ៍នេះ ចាប់ពីម៉ោង៦ទៅនៅសង្វៀន CNC លើប្រភេទទម្ងន់ ៦៧គីឡូក្រាម៕
