- 2018-06-07 07:10:58
- វិភាគ
មេព័ត៌មានកីឡា១១ស្ថាប័ននេះប្រាប់ក្រុមពេញចិត្តនៅ World Cup
- 2018-06-07 07:10:58
- ចំនួនមតិ 0 | ចំនួនចែករំលែក 0
មេព័ត៌មានកីឡា១១ស្ថាប័ននេះប្រាប់ក្រុមពេញចិត្តនៅ World Cup
ចន្លោះមិនឃើញ
ព្រឹត្តិការណ៍បាល់ទាត់ធំបំផុតក្នុងលោក៤ឆ្នាំម្តងឆ្នាំ២០១៨នៅប្រទេសរុស្ស៊ីខិតជិតចូលមកដល់ហើយដែលធ្វើឲ្យអ្នកសារព័ត៌មានកីឡាគ្រប់ស្ថាប័នកំពុងត្រៀមខ្លួនដើម្បីផ្សព្វផ្សាយជូនអ្នកគាំទ្រឲ្យកាន់តែទូលំទូលាយ។ ថ្វីបើពួកគាត់ជាអ្នកធ្វើសេចក្ដីការណ៍ និងផ្សព្វផ្សាយកីឡាដល់មហាជនឲ្យបានជ្រាប់ ប៉ុន្តែពួកគាត់ក៏ស្រលាញ់ពេញចិត្តក្រុមជម្រើសជាតិណាមួយដែលអាចនឹងឈ្នះពាន World Cup 2018 នេះដែរ។
ថ្ងៃនេះ Sabay បានសាក់សួរតំណាងស្ថាប័នព័ត៌មានកីឡាល្បីៗនៅកម្ពុជាអំពីក្រុមណាមួយដែលជាក្រុមសំណព្វចិត្តរបស់ពួកគាត់។ ក្នុងចំណោមក្រុមជម្រើសជាតិទាំង៣២ដែលបានកៅអី World Cup ឆ្នាំ២០១៨នេះមានក្រុមមួយចំនួនប៉ុណ្ណោះដែលអ្នកព័ត៌មានកីឡានៅកម្ពុជាជ្រើសរើសដូច បារាំង អាល្លឺម៉ង់ ប្រេស៊ីល ព័រទុយហ្គាល់ និងអង់គ្លេសជាដើម។
ខាងក្រោមជាលទ្ធផលដែលពួកគាត់បានជម្រើសរើសយកជាក្រុមសំណព្វចិត្ត និងអាចឈ្នះ World Cup 2018។
១-លោក អ៊ឹង ចំរើន៖ និពន្ធនាយកវិបសាយ Thmey Thmey ដែលជាអ្នកជំនាញកីឡាបាល់ទាត់ម្នាក់-ពេញចិត្តក្រុមជម្រើសជាតិ «បារាំង»។
២-លោក គង់ ហ៊ួន៖ ប្រធានផ្នែកកីឡារបស់ទូរទស្សន៍បាយ័នដែលជាពិធីករកីឡាដ៏ប្រិយម្នាក់ពេញក្រុមជម្រើសជាតិ«ប្រេស៊ីល»។
៣-លោក ស៊ីថូ ណាថាន់៖ ប្រធានផ្នែកកីឡានៅ CBS ដែលជាពិធីករកីឡាដ៏ល្បីម្នាក់ពេញចិត្តក្រុមជម្រើសជាតិ «ព័រទុយហ្គាល់»។
៤- លោក ហ័រ ង៉ែត ពិធីករនៅទូរទស្សន៍ TV5 និងជាអ្នកអត្ថាធិប្បាយកីឡាដ៏ល្បីល្បាញយល់ថា ក្រុមជម្រើសជាតិ«អាល្លឺម៉ង់»ដែលស្ថិតក្នុងបេក្ខភាពទី១របស់លោកដែលឈ្នះជើងឯក។
៥-លោក ជាន ចាន់រ៉ា៖ ប្រធានផ្នែកកីឡារបស់វិបសាយ Sabay ក៏ពេញចិត្តក្រុមជម្រើសជាតិ«ព័រទុយហ្គាល់»ដូចលោក ស៊ីថូ ណាថាន់ដែរ។
៦-លោក ម៉ឺន រស្មី៖ និពន្ធនាយកវិបសាយ We Are Football ស្រលាញ់ពេញចិត្តក្រុមជម្រើសជាតិ«អាល្លឺម៉ង់»។
៧- លោក សុខ សុវត្ថិ៖ អតីតអ្នកបកប្រែកីឡានៅ Sabay និងបច្ចុប្បន្នជាការិនីនិពន្ធវិបសាយ Kley Kley ពេញចិត្តក្រុមជម្រើសជាតិ«ព័រទុយហ្គាល់»។
៨- លោក សំណព្វ៖ ប្រធានផ្នែកកីឡានៅទូរទស្សន៍ PNN និងនិពន្ធនាយកកីឡាដេលីពេញចិត្តខ្លាំងជាងគេសម្រាប់ World Cup ឆ្នាំនេះគឺជម្រើសជាតិ«បារាំង»។
៩-លោក សុគន្ធ ដារ៉ា៖ ប្រធានផ្នែកកីឡានៅវិបសាយ Khmerlaod ពេញចិត្តក្រុមជម្រើសជាតិ«អង់គ្លេស»។
១០-លោក ឆន ទិត្យ៖ និពន្ធនាយកវិបសាយ Sport Refresh និងជាអ្នកសរសេរព័ត៌មានកីឡាដ៏ល្បីពេញចិត្តក្រុមជម្រើសជាតិ«អង់គ្លេស»។
១១- លោក អ៊ិន សុផេង៖ ការីនិពន្ធព័ត៌មានកីឡានៅកាសែតភ្នំពេញប៉ុស្តិ៍ពេញចិត្តក្រុមជម្រើសជាតិ«ប្រេស៊ីល»ដែលស្ថិតក្នុងចិត្តលោកលំដាប់ទី។
ចុះសម្រាប់អ្នកគាំទ្រវិញ ពេញចិត្តក្រុមជម្រើសជាតិណា?
