- 2018-05-16 07:15:14
- ប្រដាល់
ជួបគ្នាលើកនេះ ឡុង សុភី សរសើ ម៉ឺន សុភា រីកចម្រើនជាងមុនឆ្ងាយ
- 2018-05-16 07:15:14
- ចំនួនមតិ 0 | ចំនួនចែករំលែក 0
ជួបគ្នាលើកនេះ ឡុង សុភី សរសើ ម៉ឺន សុភា រីកចម្រើនជាងមុនឆ្ងាយ
ចន្លោះមិនឃើញ
ជើងខ្លាំងយូរលុងក្នុងវិស័យប្រដាល់ ឡុង សុភី សរសើ សិស្សប្អូន ម៉ឺន សុភា ថាមានការរីកចម្រើនច្រើនបើធៀបពីការជួបគ្នាលើកទី១ កម្មវិធីកីឡាជាតិកន្លងទៅ។
ឡុង សុភី ប្រាប់ឲ្យដឹងថា ជំនួបផ្ដាច់ព្រ័ត្រជាមួយសិស្សប្អូនខាងលើមិនមានការព្រួយបារម្ភ ឬភ័យខ្លាចចាញ់ ឬឈ្នះ អ្វីនោះទេ អ្នកណាឈ្នះ អ្នកណាយកខ្សែក្រវាត់ក៏បានដែរព្រោះសុទ្ធតែកីឡាករកម្ពុជា។ ណាមួយការប្រកួតវគ្គផ្ដាច់ព្រ័ត្រសម្រាប់ខ្លួន វាច្រើនដងណាស់ទៅហើយ ដូច្នេះកាលពីថ្ងៃអាទិត្យនោះមានអារម្មណ៍ធម្មតា បើចាញ់ ម៉ឺន សុភា ពេលនោះក៏មិនអីដែរ។
ម្ចាស់ខ្សែក្រវាត់ច្រើនគ្រឿងរូបនេះបន្ថែមថា តាមរយៈការប៉ះគ្នាលើកទី២នេះ សុភា មានការរីកចម្រើនច្រើនចំពោះស្នៀតប្រយុទ្ធនានា ពីមុនសិស្សម្នាក់នេះគឺចេះត្រឹមមួយជ្រកប៉ុណ្ណោះ ប៉ុន្តែឥលូវចេះច្រើនជ្រក និងល្អជាងមុនឆ្ងាយ។ ទទឹមនិងនេះ ម៉ឺន សុភា ក៏ត្រូវព្យាយាមពង្រឹងស្នៀតជង្គង់ថែមទៀត ព្រោះកីឡាករថៃ គេមិនខ្លាចទេអ្នកណាដែលខ្សោយជង្គង់ ឬមិនចេះជង្គង់។
ខ្សែក្រវាត់ស្រាបៀលីអូ បានរកឃើញម្ចាស់ហើយ គឺ ឡុង សុភី បន្ទាប់ពីរូបគេឈ្នះសិស្សប្អូន ម៉ឺន សុភា កាលពីថ្ងៃអាទិត្យ ទី១៣ ខែឧសភា ឆ្នាំ២០១៨ ហើយកីឡាករលេខ៣ នោះបានទៅលើកីឡាករថៃ វ៉ាត់ឆារ៉ាឡេក។ លេខ១ បានទឹកប្រាក់ ២៤,០០០,០០០ រៀល លេខ២ ទឹកប្រាក់ ១២,០០០,០០០ រៀល និងលេខ៣ ទឹកប្រាក់ ២,៤០០,០០០ រៀល និងលេខ៤ ទឹកប្រាក់ ១,៦០០,០០០ រៀល៕