ឡៅ ចន្រ្ទា បានល្បី និងជោគជ័យដល់ពេលនេះ មិនភ្លេចគុណបំណាចមនុស្ស ៣នាក់

2018-05-11 04:44:04
ប្រដាល់

2018-05-11 04:44:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងរបស់ជូរមុខរបស់កម្ពុជា និងជាកីឡាករមិនសូវឲ្យរំលងរាល់ពានរង្វាន់ ឬខ្សែក្រវាត់ ឡៅ ចន្រ្ទា ថា បានល្បីមានកេរ្តិ៍ឈ្មោះដល់សព្វថ្ងៃនេះ មិនភ្លេចគុណ អ្នកម្ដាយ លោកគ្រូបង្វឹក រួមនិងបងប្រុស ឡៅ ស៊ីណាត។

ឡៅ ចន្រ្ទា ពេលឈ្នះ ISI

ឡៅ ចន្រ្ទា(ខៀវ)ឈ្នះវគ្គផ្ដាច់ព្រ័ត្រ

ឡៅ ចន្រ្ទា ប្រាប់ឲ្យដឹងថា មិនភ្លេចទេ គុណបំណាចរបស់អ្នកទាំង៣នាក់នេះ ទី១អ្នកម្ដាយ បើមិនមានការអនុញ្ញាតឲ្យហ្វឹកហាត់ប្រដាល់ ក៏មិនបានចាប់អាជីពនេះដែរ។ ទី២ លោកគ្រូ ហង់ សឿន ដែលជាគ្រូធំនៅក្លឹបប្រដាល់ឆត្រយោង ៩១១ ដែលតែងតែស្រឡាញ់ ដាស់តឿន ខំប្រឹងបង្ហាត់បង្រៀន និងតម្រែតម្រងរាល់កំហុសឆ្គង។ និងទី៣នោះ គឺបងប្រុស ឡៅ ស៊ីណាត ដែលតែងតែនៅជាមួយខ្លួនមិនថាពេលឡើងប្រកួតគឺមកឲ្យទឹកជានិច្ច ពិសេសការប្រកួតធំៗតែម្ដង។ ក្រៅពីនេះ មានដូចជាការបង្ហាត់បង្ហាញ រកចំណុចល្អៗដើម្បីផ្ដួលដៃគូ ពង្រឹងស្មារតី និងកែប្រែពីចំណុចខុសឆ្គងកន្លងមកផងដែរ។

ម្ដាយ ឡៅ ចន្រ្ទា

ឡៅ ស៊ីណាត កំពុងឲ្យទឹកប្អូនប្រុស

ម្ចាស់ពានរង្វាន់ថ្មីថ្មោង ISI ខាងលើបន្ថែមថា ពិតជាអរគុណខ្លាំងណាស់ ចំពោះអ្នកទាំងមានគុណទាំង៣នាក់នេះ និងជូនពរពួកលោកឲ្យមានសេចត្តីសុខជារៀងរហូត។ ក៏គុណរាល់ទង្វើលល្អដែលបានធ្វើនិងផ្ចុងផ្ដើមខ្លួនឲ្យបានដូចថ្ងៃនេះ។

ហង់ សឿន(អាវលឿងឆ្នូតស) មកលើកូនសិស្សប្រកួតផ្ដាច់ព្រ័ត្រ

ឡៅ ចន្រ្ទា ជាអ្នកប្រដាល់មកពីក្លឹបឆត្រយោង៩១១ កូនសិស្សលោក ហង់ សឿន ប្រកួតចុងក្រោយឈ្នះពិន្ទុ ពុទ្ធ ឆាយរិទ្ធី នៅសង្វៀន CNC។ អ្នកប្រដាល់រូបនេះ រាប់ជាកីឡាករដែលជោគជ័យខ្លាំងក្នុងអាជីព ដែលធ្លាប់ឈ្នះខ្សែក្រវាត់៣គ្រឿង និងពានរង្វាន់លេខ១ ISI កាលពីថ្ងៃអាទិត្យសប្ដាហ៍មុន រួមនិងមេដាយមាសថ្នាក់ជាតិជាច្រើនទៀតផងដែរ៕

វីដេអូនៅខាងក្រោម៖