- 2014-10-11 16:12:23
- ព័ត៌មាន
Sabay មូសខ្លា ត្រូវការពិន្ទុដើម្បីមានឱកាសឡើងទៅវគ្គបន្ត
- 2014-10-11 16:12:23
- ចំនួនមតិ 0 | ចំនួនចែករំលែក 0
Sabay មូសខ្លា ត្រូវការពិន្ទុដើម្បីមានឱកាសឡើងទៅវគ្គបន្ត
ចន្លោះមិនឃើញ
ក្រុមខ្លាំងនៅរដូវកាលមុន Sabay Tiger Mosquitoes (Sabay មូសខ្លា) ដែលកាលពីរដូវកាលមុនឈ្មោះថា Sabay ក្ដាមប្រៃ ហាក់ធ្លាក់ចុះទម្រង់លេងយ៉ាងខ្លាំងនៅរដូវកាលនេះ ក្រោយប៉ុន្មានប្រកួតកន្លងមកទើបតែស្គាល់ជ័យជម្នះបានតែមួយប្រកួតតែប៉ុណ្ណោះ ក្នុងការប្រកួតលីកបាល់បោះវគ្គវិលជុំសន្សំពិន្ទុ។
Sabay មូសខ្លា ត្រូវតតាំងនឹង CCPL Warriors នៅវេលាម៉ោង ៩:៣០នាទីព្រឹកនេះ នៅវិមានពហុកីឡដ្ឋានជាតិ ហើយលទ្ធផលចាញ់ឈ្នះនៅប្រកួតនេះនឹងជះឥទ្ធិពលខ្លាំងដល់ឱកាសក្នុងការឡើងទៅកាន់វគ្គបន្ត។
ដោយឡែកគូនៅម៉ោង២រសៀលឯណោះវិញជាការជួបគ្នារវាងក្រុម NSK Dream និងក្រុម Emperors។ ក្រុមទាំងពីរនេះហាក់មានឱកាសច្រើនក្នុងការឡើងទៅវគ្គបន្តទៅបីជាលទ្ធផលយ៉ាងណាក្ដី។
ងាកទៅមើលគូនៅម៉ោង៤រសៀលវិញ ក្រុមខ្លាំង Davies Paints និងត្រូវប៉ះក្រុមមធ្យម Smart Dragons។ Davies Paints មិនខ្វល់ពីលទ្ធផលចាញ់‑ឈ្នះនោះទេ ពីព្រោះគេបានឡើងទៅវគ្គបន្តជាស្វ័យប្រវត្តិទៅហើយ ស្របពេលដែល Smart Dragons ក៏មានភាគរយច្រើនក្នុងការឡើងទៅវគ្គបន្តដូចគ្នា។
អត្ថបទ៖ អៀង សូទ្រី
