ក្រុមជម្រើសជាតិវៀតណាម បានក្លាយជាម្ចាស់ជើងឯក ពានរង្វាន់ ASEAN Mitsubishi Electric Cup ២០២៤ បន្ទាប់ពីបានយកឈ្នះទៅលើក្រុមជម្រើសជាតិ ថៃ នៅកីឡដ្ឋាន Rajamangala Stadium កាលពីរាត្រីថ្ងៃទី ៥ ខែមករា ឆ្នាំ ២០២៤។

វគ្គផ្តាច់ព្រ័ត្រពានរង្វាន់ ASEAN Mitsubishi Electric Cup ២០២៤ ធ្វើឡើងចំនួន ២ ជើង ដោយជើងទី១ លេងក្នុងទឹកដីវៀតណាម ដោយ ក្រុមជម្រើសជាតិវៀតណាម បានយកឈ្នះទៅលើ ថៃ ក្នុងលទ្ធផល ២ ទល់ ១។ លុះចូលមកដល់ជើងទី ២ ដែលប្តូរមកលេងក្នុងទឹកដីថៃ នៅកីឡដ្ឋាន Rajamangala Stadium វិញម្តង ក្រុមថៃ នៅតែមិនអាចយកឈ្នះទៅលើ វៀតណាម បានដោយ វគ្គផ្តាច់ព្រ័ត្រជើងទី ២ បញ្ចប់ទៅក្នុងលទ្ធផល វៀតណាម យកឈ្នះទៅលើ ថៃ ៣ ទល់ ២។ លទ្ធផលវគ្គផ្តាច់ព្រ័ត្រ សរុបទាំង ២ ជើង វៀតណាម ៥ -៣ ថៃ។

កីឡាករលេងល្អបំផុត ប្រចាំពានរង្វាន់ ASEAN Mitsubishi Electric Cup ២០២៤ បានទៅលើ កីឡាករ Nguyen Xuan Son របស់វៀតណាម។ ចំណែកកីឡាករដែលស៊ុតបញ្ចូលទីបានច្រើនជាងគេ បានទៅលើ Nguyen Xuan Son ផងដែរ ដោយរូបគេរកគ្រាប់បាល់បានចំនួន ៧ គ្រាប់ ក្នុងការបង្ហាញខ្លួន ៥ ប្រកួត។

គួរបញ្ចាក់ថា ក្រុមជម្រើសជាតិដំរីសឹកថៃ ជាម្ចាស់ជើងឯកពានតំបន់អាស៊ាននេះ ចំនួន ៧ ដង។ ចំណែកក្រុមជម្រើសជាតិវៀតណាម ជាម្ចាស់ជើងឯក ចំនួន ៣ លើក ពោលគឺធ្លាប់ឈ្នះក្នុងឆ្នាំ ២០០៨, ២០១៨ និង ២០២៥៕