/66ea7b11b0986_1726642920_medium.png)
- 2024-09-18 07:15:00
- ព័ត៌មាន
មុនពេល Man City ប៉ះ Inter យប់នេះ Pep ជឿថា Haaland នឹងស៊ុតចូលទៀត
- 2024-09-18 07:15:00
- ចំនួនមតិ 0 | ចំនួនចែករំលែក 0
មុនពេល Man City ប៉ះ Inter យប់នេះ Pep ជឿថា Haaland នឹងស៊ុតចូលទៀត
ចន្លោះមិនឃើញ
Haaland បានចុះកុងត្រាផ្ទេរពី Borussia Dortmund កាលឆ្នាំ២០២២ ក្រោយមកដល់ទឹកដីអង់គ្លេសគេបានបង្កើតភាពភ្ញាក់ផ្អើលតាមរយៈការស៊ុតបញ្ចូលទីមិនសំចៃជើង គិតមកដល់រដូវកាលនេះបើកឆាកមក៤ប្រកួតនៅ English Premier League ខ្សែប្រយុទ្ធជម្រើសជាតិ ន័រវែស ស៊ុតបាន ៩គ្រាប់ហើយ និងស៊ុតបាន៣គ្រាប់ក្នុងមួយប្រកួតចំនួន ២លើក។
ខ្សែប្រយុទ្ធវ័យ២៤ឆ្នាំកំពុងឆ្ពោះទៅរកការស៊ុតបាន១០០គ្រាប់ឲ្យមេឃខៀវ ខណៈដែលបច្ចុប្បន្នគេស៊ុតបាន ៩៩គ្រាប់ហើយក្នុងការបង្ហាញខ្លួនសរុប១០៣ប្រកួត។ នៅពេលដែលសួរក្នុងសន្និសីទកាសែតពីការប្រកួតទល់ក្រុម Inter Milan ក្នុងពានរង្វាន់ UEFA Champions League ទៅកាន់ Pep លោកបានឆ្លើយមកទាំងភាពភ្ញាក់ផ្អើល ពីសមត្ថភាពនៃការស៊ុតរបស់ Haaland ។
«ខ្ញុំមិនរំពឹងខ្ពស់ដូចអ្វីដែលគេធ្លាប់ធ្វើទេ ៣គ្រាប់ ឬ២គ្រាប់នៅគ្រប់ការប្រកួតនោះទេ ប៉ុន្តែវាកំពុងតែឆ្ពោះទៅរកចំណុចនោះ។ ខ្ញុំដឹងច្បាស់ពីសមត្ថភាពរបស់ Haaland ហើយរដូវកាលនេះមើលទៅវាក៏មិនខុសអីពីរដូវកាលមុនដែរពីការស៊ុតបញ្ចូលទីរបស់ Haaland ។ ខ្ញុំមានអារម្មណ៍ថាពិតជាល្អណាស់សម្រាប់ការលេងនាពេលបច្ចុប្បន្ន»។
ក្នុងការប្រកួតយប់នេះ Pep មើលឃើញថា Inter ជាក្រុមខ្លាំង ហើយសរសើរក្រុមនេះថាលេងល្អ ដ្បិតក្រុមមានមូលដ្ឋាននៅអង់គ្លេសមួយនេះបានយកឈ្នះ Inter Milan ១-០ កាលឆ្នាំ២០២៣ដើម្បីលើកពាន UCL ៕
