- 2014-09-15 15:59:39
- ព័ត៌មាន
Sabay មូសខ្លា និង NSK Dream បន្តចាញ់ រីឯ Davies Paints ឈរកំពូលតារាង
- 2014-09-15 15:59:39
- ចំនួនមតិ 0 | ចំនួនចែករំលែក 0
Sabay មូសខ្លា និង NSK Dream បន្តចាញ់ រីឯ Davies Paints ឈរកំពូលតារាង
ចន្លោះមិនឃើញ
បន្ទាប់ពីវិលត្រឡប់មកកាន់ទីលាន ក្រោយអវត្តមានអស់ជាង២សប្ដាហ៍កន្លងទៅ ក្រុម Sabay មូសខ្លា និងក្រុម NSK Dream នៅតែបន្តការចាញ់នៅប្រកួតទី៥របស់ខ្លួន ស្របពេលដែល Davies Paints ឆក់យកបានតំណែងកំពូលតារាងសម្រាប់ការប្រកួតលីកបាល់បោះនៅសប្ដាហ៍នេះ ក្រោយការប្រកួតកាលពីចុងសប្ដាហ៍កន្លងទៅ។
កាលពីថ្ងៃអាទិត្យ ទី១៤ ខែកញ្ញា ឆ្នាំ២០១៤ កន្លងទៅ ក្រុម Sabay មូសខ្លា បានបើកឆាកការប្រកួតមុនគេជាមួយក្រុម CCPL Warriors វេលាម៉ោង ៩:៣០នាទីព្រឹក។ លទ្ធផលមិនគាប់ចិត្តបានកើតឡើងជាថ្មីសម្រាប់ Sabay មូសខ្លា ក្រោយត្រូវ CCPL Warriors យកឈ្នះក្នុងលទ្ធផល ៧៣‑៥៧។
ងាកទៅមើលគូនៅម៉ោង ២រសៀល ឯណោះវិញ ក្រុម NSK Dream ក៏មានវាសនាមិនខុសនឹង ក្រុម Sabay មូសខ្លានោះដែរដោយត្រូវបន្តបរាជ័យនៅប្រកួតទី៥ ក្រោមថ្វីដៃក្រុម Emperors ក្នុងលទ្ធផល ៤២ ទល់នឹង ៥០។
ដោយឡែកគូចុងក្រោយគេ ក្រុម Davies Paints នៅតែបង្ហាញភាពខ្លាំងរបស់ខ្លួនក្រោយបន្តបំបាក់ក្រុម Smart Dragons ក្នុងលទ្ធផល ៨៨‑៦២ ដើម្បីកាន់កាប់កំពូលតារាង។
ការប្រកួតលីកបាល់បោះនេះនឹងត្រូវធ្វើការប្រកួតវិលជុំសន្សំពិន្ទុគ្រប់ក្រុមទាំងអស់ ហើយ៨ក្រុមដែលមានពិន្ទុលើគេនឹងឡើងទៅលេងជុំផ្ដាច់ព្រ័ត្រ។
អត្ថបទ៖ អៀង សូទ្រី
