ជា​ការ​រួម​​ចំណែក​ក្នុង​វិស័យ​កីឡា​ ពិសេស​ព្រឹត្តិការណ៍​កីឡា​ជាតិ​ លើក​ទី៤នៅ​ពេល​នេះ​ផ្សារទំនើបដឺភីក (The Peak) ផ្តល់ទីតាំងប្រកួតដល់សហព័ន្ធកីឡាគុនដាវកម្ពុជា និងការឧបត្ថម្ភគាំទ្រ សម្រាប់ការរៀបចំការប្រកួតចាប់ពីថ្ងៃទី៤-៧ ខែវិច្ឆិកា ឆ្នាំ២០២៤ ។

សហព័ន្ធកីឡាគុនដាវកម្ពុជា បានរៀបចំការប្រកួតកីឡាគុនដាវក្នុងព្រឹត្តិការណ៍កីឡាជាតិលើកទី៤ ដនេះមានអត្តពលិកចំនួន ៩៩ នាក់ មកពីរាជធានី-ខេត្ត ចំនួន ១២ និងក្រសួងចំនួន ២ ។ សហព័ន្ធក៏បានរៀបចំសិក្ខាសាលា និងរៀបចំការកម្សាន្តនានាសម្រាប់មហាជនទូទៅផង ។

កីឡាគុនដាវ ជាកីឡាដែលមានប្រជាប្រិយ និងមានភាពទាន់សម័យដែលប្រទេសជឿនលឿនមួយចំនួនធំចូលចិត្តហ្វឹកហាត់ និងលេងកម្សាន្ត ដូចដែលបានដឹងមកហើយថាក្នុងអំឡុងពេលអូឡាំពិកប៉ារីសឆ្នាំ ២០២៤ ។ ការប្រកួតកីឡាគុនដាវត្រូវបានរៀបចំឡើងនៅ Grand Palais បេះដូងនៃទីក្រុងប៉ារីស នេះបង្ហាញពីភាពពេញនិយម និងល្បីល្បាញបំផុតនៃកីឡាគុនដាវលើពិភពលោក។

ដផ្សារទំនើបដឺភីក ត្រៀមនឹងបើកដំណើរការសាកល្បងជាជំហានដំបូង នៅថ្ងៃទី ៨ ខែវិច្ឆិកា ឆ្នាំ២០២៤ ជាមួយព្រឹត្តិការណ៍ចម្រុះជាច្រើនក្រោមប្រធានបទ The Peak Prelude: A Journey Begins។ ដើម្បី​ជា​ការ​ចូលរួមចំណែកលើកស្ទួយវិស័យកីឡា ផ្សារ​ទំនើប​ខាង​នឹង​ផ្តល់ទីតាំងប្រកួតដល់សហព័ន្ធកីឡាគុនដាវកម្ពុជា ដើម្បីរៀបចំការប្រកួតកីឡាគុនដាវក្នុងព្រឹត្តិការណ៍កីឡាជាតិលើកទី៤ ព្រមទាំងបានត្រៀមខ្លួនស្វាគមន៍សម្រាប់ការផ្តល់ទីតាំងបម្រើដល់ការប្រកួតកីឡាលក្ខណៈជាតិ និងអន្តរជាតិនានាផងដែរ។

អ្នកនាំពាក្យផ្សារទំនើប ដឺភីក មានប្រសាសន៍ថា ៖«ការប្រកួតកីឡាគុនដាវក្នុងព្រឹត្តិការណ៍កីឡាជាតិគឺជាព្រឹត្តិការណ៍ដ៏រំភើបមួយសម្រាប់យើងក្នុងការណែនាំ ដឺភីក ទៅកាន់សាធារណជន» ។ យើងមានសេចក្តីរំភើបរីករាយក្នុងការចាប់ផ្តើមមុនការបើកដំណើរការជាផ្លូវការរបស់យើងជាមួយនឹងព្រឹត្តិការណ៍ជាតិដ៏មានកិត្យានុភាពបែបនេះ និងផ្តល់កន្លែងដ៏ស្វាហាប់សម្រាប់អត្តពលិក ក្រុមគ្រួសារ និងសហគមន៍មូលដ្ឋាន ។ ផ្សារទំនើប ដឺភីក មិនមែនត្រឹមតែជាផ្សារទំនើបប្រណិតប៉ុណ្ណោះទេ តែនឹងក្លាយជាគោលដៅនៃការដើរទិញទំនិញ រួមបញ្ចូលជាមួយវប្បធម៌ ការកម្សាន្ត និងសហគមន៍មកជាមួយគ្នា។ ក្រៅពីផ្តល់ទីតាំងសម្រាប់ការប្រកួតលើប្រភេទកីឡាគុនដាវ ដឺភីក នឹងផ្តល់ការឧបត្ថម្ភលើអាហារ ភេសជ្ជៈ កាដូអនុស្សាវរីយ៍ សម្រាប់ជ័យលាភីផងដែរ ។

រំលឹក​ដែរ​ថា​ ព្រឹត្តិការណ៍កីឡាជាតិ និងកីឡាជាតិជនពិការ ឆ្នាំ២០២៤ ធ្វើ​ឡើង​ចាប់ពីថ្ងៃទី២៩ ខែតុលា ដល់ថ្ងៃទី០៨ ខែវិច្ឆិកា ឆ្នាំ២០២៤ នៅរាជធានីភ្នំពេញ និង​ខេត្ត​ចំនួន​ ៤ ទៀត​ដូច​ជា​ ខេត្តកែប ស្វាយរៀង ព្រះសីហនុ និងខេត្តកំពង់ឆ្នាំង។​ ពិធី​បើក​ការ​ប្រកួត​ជា​ផ្លូវ​នឹង​ធ្វើ​ឡើង​ល្ងាច​ថ្ងៃ​ទី៣០​ ខែ​តុលា​ ឆ្នាំ​២០២៤ ៕​