- 2024-08-15 04:20:52
- កីឡាផ្សេងៗ
បេសកកម្មនៃការប្រកួតកីឡាអូឡាំពិកទីក្រុងប៉ារីស បានបញ្ចប់កម្ពុជាចូលរួមស្មើមុខស្មើមាត់ជាមួយប្រទេសទាំង ២០៦
- 2024-08-15 04:20:52
- ចំនួនមតិ 0 | ចំនួនចែករំលែក 0
បេសកកម្មនៃការប្រកួតកីឡាអូឡាំពិកទីក្រុងប៉ារីស បានបញ្ចប់កម្ពុជាចូលរួមស្មើមុខស្មើមាត់ជាមួយប្រទេសទាំង ២០៦
ចន្លោះមិនឃើញ
ប្រតិភូ នាយបេសកកម្ម និងអត្តពលិកកម្ពុជា ម្សិលមិញនេះបានវិលត្រឡប់មកដល់មាតុភូមិវិញហើយ ក្រោយបញ្ចប់បេសកកម្មនៃការប្រកួតកីឡាអូឡាំពិករដូវក្ដៅ ទីក្រុងប៉ារីស ប្រទេសបារាំង តាំងពីថ្ងៃទី២៦ ខែកក្កដា ឆ្នាំ២០២៤។
ឯកឧត្ដម ញ៉ាន សុខវិសាល នាយបេសកកម្មរបស់កម្ពុជា បានឲ្យដឹងថា បេសកកម្មនៃការប្រកួតរយៈពេល ៣សប្ដាហ៍ត្រូវបានបញ្ចប់ហើយជាលក្ខណៈបច្ចេកទេសកម្ពុជាពុំទទួលបានមេដាយនោះទេនៃព្រឹត្តិការណ៍កីឡាអូឡាំពិកនេះ។ ប៉ុន្តែមិនមែនតែកម្ពុជានោះទេដែលពុំទទួលបានមេដាយហើយបើមើលតាមតារាងមានតែ៨៤ប្រទេសប៉ុណ្ណោះដែលឈ្នះមេដាយ ដូច្នេះកម្ពុជា និងប្រទេសជាង ១០០ទៀតដែលមិនទទួលបាន។ ជាក់ស្ដែងមួយទៀតកម្ពុជាមានតែអត្តពលិក ៣រូបប៉ុណ្ណោះចូលរួម។
នាយបេសកកម្មបន្ថែមទៀតថា ចំពោះអត្តពលិកកម្ពុជាទាំងហែលទឹក អត្តពលកម្ម បង្ហាញពីភាពរីកចម្រើនទទួលបានចំណាត់ថ្នាក់នៃការប្រកួតល្អប្រសើរលើវិញ្ញាសារបស់ពួកគេ។ នេះជាមោទកភាពមួយដែរសម្រាប់ប្រទេសកម្ពុជាដែលបានចូលរួមប្រកួតស្មើមុខស្មើមាត់ជាមួយ ២០៦ លើពិភពលោក និងមានការសាទរទទួលការយកចិត្តទុកដាក់មិនថាស្ថានទូតខ្មែរនៅប្រទេសបារាំង។ រួមទាំងម្ចាស់កម្មវិធីបារាំងផ្ទាល់ទទួលគឺស្វាគមន៍កម្ពុជាយ៉ាងកក់ក្ដៅដូចជាទូកដែលកម្ពុជាជិះក្នុងពិធីបើកការប្រកួតជាដើមគឺលំដាប់ផ្កាយ៧របស់គេ ដូច្នេះមិនដូចទៅហ្នឹងការបញ្ចេញយោបល់ផ្សេងៗលើបណ្ដាញសង្គមឡើយ។
បញ្ជាក់ដែរថា ព្រឹត្តិការណ៍កីឡាអូឡាំពិករដូវក្ដៅ លើកទី៣៣ ធ្វើឡើងនៅទីក្រុងប៉ារីស ប្រទេសបារាំង ចាប់ពីថ្ងៃទី២៦ ខែកក្ដដា ដល់ ទី១១ ខែសីហា ឆ្នាំ២០២៤ កម្ពុជាបញ្ជូនអត្តពលិក ៣រូប លើ ២ ប្រភេទកីឡា ទី១ ហែលទឹក (២រូប) និងអត្តពលកម្ម (១រូប)។ ថ្ងៃទី១៤ ខែសីហា ឆ្នាំ២០២៤ ម្សិលមិញក្រុមប្រតិភូ និងអត្តពលិកកម្ពុជាបានវិលត្រឡប់មកដល់មាតុភូមិវិញហើយ៕
