- 2024-05-23 08:36:30
- កីឡាផ្សេងៗ
ប្រធានសហព័ន្ធតេក្វាន់ដូ ITF៖ ក្រុមតេក្វាន់ដូ ITF នឹងបន្តភាពខ្លាំងក្លាតាមរយៈកីឡាករថ្នាលក្មេងៗ
- 2024-05-23 08:36:30
- ចំនួនមតិ 0 | ចំនួនចែករំលែក 0
ប្រធានសហព័ន្ធតេក្វាន់ដូ ITF៖ ក្រុមតេក្វាន់ដូ ITF នឹងបន្តភាពខ្លាំងក្លាតាមរយៈកីឡាករថ្នាលក្មេងៗ
ចន្លោះមិនឃើញ
ឯកឧត្ដម កែវ រ៉េមី ថាក្រុមកីឡាតេក្វាន់ដូ ITF នឹងនៅតែរឹងមាំ ខ្លាំងក្លា ពីមួយជំនាន់ទៅមួយជំនាន់ ព្រោះតែបានបណ្ដុះធនធានថ្នាលឲ្យមានសមត្ថភាពជាអ្នកបន្តវេនរៀមច្បងជម្រើសជាតិដែលចាស់ៗទៅ។
ថ្លែងក្នុងពិធីបិទការប្រកួតកីឡាសិស្សឧត្ដមសិក្សាលើប្រភេទកីឡាតេក្វាន់ដូ ITF ល្ងាចម្សិលមិញនេះឯកឧត្ដម កែវ រ៉េមី បង្ហាញនូវទឹកចិត្តសប្បាយរីករាយ និងរំភើបជាខ្លាំងនៅពេលឃើញការសម្ដែងរបស់ក្រុមថ្នាលតូចៗជាច្រើនរួមជាមួយក្រុមធំៗជម្រើសដូចនេះ។
ឯកឧត្ដម កែវ រ៉េមី បន្ថែមទៀតថា កីឡាខ្លាំង និងបន្តនិរន្តរភាពនៃភាពខ្លាំងរបស់ខ្លួនបានលុះត្រាតែគិតគូរលើក្រុមថ្នាល បណ្ដុះធនធានឲ្យច្រើនដើម្បីបន្តវេនបើមិនដូច្នោះទេគឺខ្លាំងតែជំនាន់ណាមួយរួចនឹងចុះអន់ថយវិញនៅពេលកីឡាករចាស់ចូល ឬនិវត្តន៍ជាដើម។ ប៉ុន្តែក្រុមតេក្វាន់ដូITF មិនដូច្នោះឡើយដោយសារតែគ្រូៗបានបណ្ដុះធនធានជាច្រើនដើម្បីត្រៀមបន្តវេនរៀមច្បងនៅពេលអនាគតដែលទាំងនេះហើយនឹងធ្វើឲ្យកីឡាមួយនេះបន្តនិរន្តរភាពនៃភាពខ្លាំងតទៅទៀត។
បញ្ជាក់ដែរថា ប្រភេទកីឡាតេក្វាន់ដូ ITF ក៏បានដាក់បញ្ចូលឲ្យប្រកួតក្នុងព្រឹត្តិការណ៍កីឡាសិស្សឧត្តមសិក្សា និងមធ្យមសិក្សាបច្ចេកទេស ឆ្នាំ២០២៤ នេះផងដែរចំណោម ១៣ប្រភេទកីឡាធំៗ។ ម្សិលមិញនេះសហព័ន្ធតេក្វាន់ដូ ITF បានបិទបញ្ចប់ការប្រកួតរបស់ខ្លួនហើយនៅសកលវិទ្យាល័យភូមិន្ទភ្នំពេញ ក្រោមអតិបតីភាពឯកឧត្ដម កែវ រ៉េមី ប្រធានសហព័ន្ធ ឯកឧត្ដម ផាន់ វណ្ណរ័ត្ន អនុប្រធានទី១ រួមនិងថ្នាក់ដឹកនាំជាច្រើនរូបទៀតផងដែរ៕
