![](http://cdn.sabay.com/cdn/media.sabay.com/media/sabay-news/Sport-News/Local-Sports/CNE-Events/664ad6524a031_1716180540_medium.jpg)
- 2024-05-20 04:58:43
- កីឡាផ្សេងៗ
ឯកឧត្តម វ៉ាត់ ចំរើន៖ គ្រឹះស្ថានឧត្ដមសិក្សាទាំងអស់សូមបង្កើនកម្មវិធីកីឡាក្រៅម៉ោងសិក្សាឲ្យបានច្រើនដល់សិស្សនិស្សិត
- 2024-05-20 04:58:43
- ចំនួនមតិ 0 | ចំនួនចែករំលែក 0
ឯកឧត្តម វ៉ាត់ ចំរើន៖ គ្រឹះស្ថានឧត្ដមសិក្សាទាំងអស់សូមបង្កើនកម្មវិធីកីឡាក្រៅម៉ោងសិក្សាឲ្យបានច្រើនដល់សិស្សនិស្សិត
ចន្លោះមិនឃើញ
ឯកឧត្តម វ៉ាត់ ចំរើន ថ្លែងក្នុងពិធីបើកការប្រកួតកីឡាសិស្សឧត្តមសិក្សា និងមធ្យមសិក្សាបច្ចេកទេសកាលពីម្សិលមិញនេះថា គ្រប់គ្រឹះស្ថានឧត្ដមសិក្សាទាំងអស់សូមបង្កើនកម្មវិធីកីឡានៅក្រៅម៉ោងសិក្សាឲ្យកាន់តែច្រើនជំរុញសិស្សនិស្សិតចូលលេងផងដែរ។
រដ្ឋលេខាធិការក្រសួងអប់រំ យុវជន និងកីឡា ខាងលើបានឲ្យលើកឡើងថា ក្រសួងផ្ទាល់គឺតែងតែធ្វើទំនើបកម្មលើវិស័យកីឡានៅកម្ពុជាជាបន្តបន្ទាប់។ សង្ឃឹមថាការប្រកួតកីឡាសិស្សឧត្ដមសិក្សានៅឆ្នាំក្រោយៗទៀតនឹងមានការចូលរួមពីបណ្ដាសកលវិទ្យាកាន់តែច្រើន និងផុលផុសជាងនេះទៅទៀត។
ឯកឧត្តម វ៉ាត់ ចំរើន អំពាវនាវផងដែរទៅបណ្ដាគ្រឹមស្ថានឧត្ដមសិក្សាទាំងអស់សូមយកចិត្តទុកដាក់លើវិស័យអប់រំកាយ និងកីឡា បង្កើនកម្មវិធីកីឡានៅក្រៅម៉ោងសិក្សាផ្សេងៗឲ្យបានច្រើនដើម្បីផ្ដល់ឱកាសដល់សិស្សនិស្សិតបានចូលហ្វឹកហាត់ក្លាយជាអត្តពលិកមានសមត្ថភាពលើប្រភេទកីឡានានាឈានដល់ជាប់ជាជម្រើសជាតិប្រកួតតំណាងឲ្យកម្ពុជា។
បញ្ជាក់ដែរថា ម្សិលមិញនេះក្រសួងអប់រំ យុវជន និងកីឡា ដែលមានឯកឧត្ដម វ៉ាត់ ចំរើន តំណាងឯកឧត្ដម ហង់ ជួនណារ៉ុន បានប្រារព្ធពិធីបើកការប្រកួតកីឡាសិស្សឧត្ដមសិក្សា និងមធ្យមសិក្សាបច្ចេកទេស ឆ្នាំ២០២៤ ហើយនៅទីលានបាល់ទាត់នៃពហុកីឡដ្ឋានជាតិ។ ព្រឹត្តិការណ៍នៃការប្រកួតកីឡាឧត្ដមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២៤ នេះធ្វើឡើងចាប់ពីថ្ងៃទី១៨ ដល់ ២៧ ខែឧសភា នៅរាជធានីភ្នំពេញ។ ការប្រកួតនេះគឺមាន ១៣ ប្រភេទកីឡា និងមានគ្រឹះស្ថានឧត្ដមសិក្សា និងមធ្យមសិក្សាចូលរួមសរុបមានចំនួន ៤៨ ប្រកួតលើ ១០៣ វិញ្ញាសា៕