- 2024-04-30 07:03:26
- កីឡាផ្សេងៗ
ឯកឧត្ដម វ៉ាត់ ចំរើន៖ វគ្គបណ្ដុះបណ្ដាលពី UCI ជាការរួមចំណែកអភិវឌ្ឍន៍កីឡាកង់នៅកម្ពុជា
- 2024-04-30 07:03:26
- ចំនួនមតិ 0 | ចំនួនចែករំលែក 0
ឯកឧត្ដម វ៉ាត់ ចំរើន៖ វគ្គបណ្ដុះបណ្ដាលពី UCI ជាការរួមចំណែកអភិវឌ្ឍន៍កីឡាកង់នៅកម្ពុជា
ចន្លោះមិនឃើញ
ឯកឧត្ដម វ៉ាត់ ចំរើន ថាវគ្គបណ្ដុះបណ្ដាលគ្រូបង្វឹកកីឡាទោចក្រយានពី UCI នេះជាការរួមចំណែកមួយក្នុងការអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន និងសំបូរធនធាននៅកម្ពុជា។
ថ្លែងក្នុងកម្មវិធីបិទវគ្គបណ្ដុះបណ្ដាលគ្រូបង្វឹកកីឡាទោចក្រយានម្សិលមិញនេះឯកឧត្ដម វ៉ាត់ ចំរើន លើកឡើងថា ក្រោយពីបញ្ចប់ស៊ីហ្គេម ប៉ុន្តែការអភិវឌ្ឍន៍វិស័យកីឡាគឺនៅតែបន្ត។ ជាមួយគ្នានេះដែរវគ្គបណ្ដុះបណ្ដាលគ្រូបង្វឹកដោយសហព័ន្ធកីឡាទោចក្រយានអន្តរជាតិ (Union Cyclist International)គឺពិតជាការរួមចំណែកធំលើការអភិវឌ្ឍន៍សមត្ថភាពដល់សិក្ខាកាមកម្ពុជានៅពេលនេះ។
អគ្គលេខាធិការ NOCC ខាងលើនេះបន្ថែមទៀតថា សិក្ខាកាមឆ្លងកាត់វគ្គនេះហើយនឹងនាំយកនូវចំណេះដឹងស្តង់ដារនេះទៅផ្សព្វផ្សាយ និងបង្ហាត់បង្រៀនដល់ក្រុមអ្នកស្រឡាញ់ និងចូលចិត្តជិះកង់ផ្សេងៗឲ្យទទួលបានគុណប្រយោជន៍ត្រឹមត្រូវប្រកបដោយសុវត្ថិភាព។ ដូច្នេះវគ្គនេះមានសារសំខាន់ដល់ការផ្សព្វផ្សាយ និងជួយដល់មហាជនឲ្យលេងតាមលក្ខណៈបច្ចេកទេសត្រឹមត្រូវ និងជៀសវាងនូវឧបសគ្គ ឬកំហុសឆ្គងនានាផងដែរ។
បញ្ជាក់ដែរថា វគ្គបណ្ដុះបណ្ដាលគ្រូបង្វឹកកីឡាទោចក្រយានដែលធ្វើឡើងរយៈពេល ១សប្ដាហ៍នេះគឺក្រោមគម្រោងសាមគ្គីអូឡាំពិកស្ដីពីការអភិវឌ្ឍន៍ប្រព័ន្ធកីឡាជាតិ (Olympic Solidarity on Development of National Sports System of Cycling)។ សិក្ខាកាមចូលរួមសរុប ១៧នាក់មកពីក្លឹបនានា និងសមាជិកសហព័ន្ធផ្ទាល់។ វគ្គបណ្ដុះបណ្ដាលនេះធ្វើឡើងនៅទីស្នាក់ការ NOCC៕
