- 2024-01-08 10:18:31
- កីឡាផ្សេងៗ
Ultra Trail Angkor កំពុងរង់ចាំចុះឈ្មោះអ្នកចូលចិត្តរត់ឆ្លងកាត់ឧបសគ្គ វាលស្រែ ផ្ទះអ្នកស្រុក ប្រាសាទ
- 2024-01-08 10:18:31
- ចំនួនមតិ 0 | ចំនួនចែករំលែក 0
Ultra Trail Angkor កំពុងរង់ចាំចុះឈ្មោះអ្នកចូលចិត្តរត់ឆ្លងកាត់ឧបសគ្គ វាលស្រែ ផ្ទះអ្នកស្រុក ប្រាសាទ
ចន្លោះមិនឃើញ
កម្មវិធីរត់ប្រណាំង Ultra Trail Angkor លើកទី៧ ឆ្នាំ២០២៤ កំពុងរង់ចាំការចុះឈ្មោះចូលរួមពីមហាជន កីឡាករ កីឡាការិនី អ្នកដែលចូលចិត្តរត់ឆ្លងកាត់ឧបសគ្គនានា និងរត់កាត់ប្រាសាទ វាលស្រែ និងផ្ទះអ្នកស្រុកនៅខេត្តសៀមរាប។
លោក Edouard GEORGE អ្នករៀបចំព្រឹត្តិការណ៍ Ultra Trail Angkor បានឲ្យដឹងថា ទិវារត់ប្រណាំងឆ្លងកាត់ឧបសគ្គ ឆ្នាំ២០២៤ នេះឈានដល់លើកទី៧ ហើយនៅសៀមរាបអង្គរ។ លោកមានការសប្បាយចិត្តជាខ្លាំងដោយនៅពេលនេះមានអ្នកចុះឈ្មោះរត់ ១១៧៦នាក់ទាំងអ្នកក្នុងស្រុក និងក្រៅប្រទេសជុំវិញពិភពលោក។ ដោយឡែកខាងអ្នករៀបចំក៏ជំរុញបន្ថែមដែរដើម្បីឲ្យមានការចុះឈ្មោះបន្ថែម និងរំពឹងថាកើនឡើងដល់ខ្ទង់ ១៥០០នាក់ទម្រាំដល់ថ្ងៃទី២៧ ខែមករា ជាពេលត្រូវប្រកួត។
អ្នកចុះឈ្មោះគឺមាន ៤៣ប្រទេសហើយក្នុងនោះច្រើនជាងគេលេខ១ កម្ពុជា បារាំង វៀតណាម កូរ៉េខាងត្បូង សហរដ្ឋអាមេរិក និងក្រៅពីនោះមានជាច្រើនទៀងដែរមកពីគ្រប់ទ្វីបដូចជា រុស្សី ម៉ិកស៊ីកូ ហុងគ្រី ជាដើម។ សម្រាប់វិញ្ញាសាប្រកួតគឺមានច្រើនចាប់ពី៨គីឡូម៉ែត្រ រហូត និងឆ្ងាយជាងគេ ១០០គីឡូម៉ែត្រផងដែរ។
ឯកឧត្ដម ថោង ខុន ប្រធាន NOCC បានលើកទឹកចិត្ត និងអំពាវដល់មហាជនឲ្យចូលរួមក្នុងព្រឹត្តិការណ៍នេះឲ្យបានច្រើនដើម្បីសុខភាព កម្សាន្តសប្បាយ និងលើកស្ទួយវិស័យកីឡាទេសចរណ៍ក្នុងខេត្តសៀមរាបបន្ថែមទៀត។ ទន្ទឹងនិងនេះឯកឧត្ដមសូមឲ្យអ្នកសារព័ត៌មានជួយផ្សព្វផ្សាយឲ្យបានច្រើនអំពីព្រឹត្តិការណ៍រត់ឆ្លងកាត់ឧបសគ្គនេះដល់មហាជន និងបរទេសទាំងក្នុងស្រុក ក្រៅស្រុក ឲ្យបានដឹងដំណឹងនេះ។ ពិសេសឥលូវនេះរឹតតែងាយស្រួលដល់ជនបរទេសដែលចង់មកចូលរួម ព្រោះកម្ពុជាមានប្រលានយន្តហោះថ្មីធំដែលអាចទទួលបានការចុះចតដោយផ្ទាល់ពីបណ្ដាយន្តហោះធុនធំៗពីប្រទេសឆ្ងាយៗបានហើយ។
បញ្ជាក់ដែរថា ព្រឹត្តិការណ៍រត់ប្រណាំង Ultra Trail Angkor 2024 នេះនឹងធ្វើឡើងនៅថ្ងៃទី២៧ ខែមករា ក្នុងខេត្តសៀមរាប។ វិញ្ញាសាសរុបរួមមាន៦ ទី១ ចម្ងាយ ៨ Km ទី២ ចម្ងាយ ១៨ Km ទី៣ ចម្ងាយ ៣២ Km ទី៤ ចម្ងាយ ៤២ Km ទី៥ ចម្ងាយ ៦៤ Km ទី៦ ចម្ងាយ ១០០Km។ សម្រាប់អ្នកចង់ចុះឈ្មោះអាចទំនាក់ទំនងទៅហ្វេសបុក Ultra-Trail d'Angkor ឬ You can still register at the following link : Register
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
