អភិបាលខេត្តកំពង់ឆ្នាំង សម្ដែងការសាទរជាខ្លាំងដែលបានធ្វើជាម្ចាស់ផ្ទះនៃការប្រកួតជើងឯកថ្នាក់ជាតិកីឡាទោចក្រយាន

2024-01-08 05:45:03
កីឡាផ្សេងៗ

2024-01-08 05:45:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អភិបាលខេត្តកំពង់ឆ្នាំង សម្ដែងនូវការសាទរជាខ្លាំងដែលបានរួមចំណែករៀបចំការប្រកួតជើងឯកថ្នាក់ជាតិ ឆ្នាំ២០២៣ ប្រភេទកីឡាទោចក្រយាននៅខេត្តកំពង់ឆ្នាំង និងប្រកបដោយជោគជ័យ និងសប្បាយរីករាយ។

ឯកឧត្ដម ស៊ុន សុវណ្ណារិទ្ធិ(ស្ដាំ)

ឯកឧត្ដម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងមន្ត្រីចូលរួមជាច្រើនមានការសប្បាយរីករាយជាខ្លាំង និងសាទរបំផុតដែលសហព័ន្ធកីឡាទោចក្រយានបានរៀបចំការប្រកួតជើងឯកថ្នាក់ជាតិ ឆ្នាំ២០២៣ លើទឹកដីខេត្តកំពង់ឆ្នាំងនេះ។

ឯកឧត្ដម ស៊ុន សុវណ្ណារិទ្ធិ កំពុងបំពាក់មេដាយ

ការប្រកួតនៅខេត្តកំពង់ឆ្នាំងនេះគឺបានផ្ដល់ឱកាសដល់យុវជន កីឡាករ កីឡាការិនី ពិសេសប្រជាពលរដ្ឋក្នុងខេត្តបានបង្ហាញទេពកោសល្យ វាស់ស្ទង់សមត្ថភាពដកស្រង់នូវបទពិសោធ និងបច្ចេកទេស ដើម្បីជាមូលដ្ឋានដ៏ល្អសម្រាប់ការប្រកួតនៅពេលក្រោយៗទៀត។ ទាំងនេះជាការចូលរួមចំណែកលើកស្ទួយវិស័យកីឡានៅកម្ពុជា ពិសេសកីឡាទោចក្រយានឲ្យកាន់តែផុលផុស និងត្រៀមឆ្ពោះទៅការប្រកួតកម្រិតអន្តរជាតិ និងពិសេសការទទួលធ្វើជាម្ចាស់ផ្ទះការប្រកួតកីឡាជើងឯកយុវជនអាស៊ី ឆ្នាំ២០២៩។

ឯកឧត្ដម ស៊ុន សុវណ្ណារិទ្ធិ កំពុងបំពាក់មេដាយ

ជាមួយគ្នានេះដែរឯកឧត្ដមសូមឲ្យកីឡាករ កីឡាការិនី គ្រូបង្វឹកត្រូវខិតខំបន្ថែមទៀតលើការហ្វឹកហាត់ បង្កើនសមត្ថភាពដើម្បីរឹតតែមានសមត្ថភាពលេចធ្លោប្រជែងជ័យជម្នះលើឆាកអន្តរជាតិជូនជាតិមាតុភូមិផងដែរ។

ទិដ្ឋភាពបំពាក់មេដាយ

រំលឹកដែរថា សហព័ន្ធកីឡាទោចក្រយានកម្ពុជា បានរៀបចំការប្រកួតជើងឯកថ្នាក់ជាតិ ឆ្នាំ២០២៣ របស់ខ្លួននៅខេត្តកំពង់ឆ្នាំង រយៈពេល២ថ្ងៃ ចាប់ពីថ្ងៃទី៦ ដល់ ៧ ខែមករា ឆ្នាំ២០២៤។ ការប្រកួតនេះដែរគឺជាលើកទី១ ហើយសម្រាប់សហព័ន្ធរៀបចំជើងឯកថ្នាក់ជាតិនៅលើទឹកដីខេត្តកំពង់ឆ្នាំងនេះ៕