អនុប្រធានសហព័ន្ធហាប់គីដូ៖ ការប្រកួតនេះជាបទពិសោធល្អសម្រាប់កីឡាករទាំងក្មេង-ចាស់

2023-12-26 07:40:01
កីឡាផ្សេងៗ

2023-12-26 07:40:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អនុប្រធានសហព័ន្ធខ្មែរកីឡាហាប់គីដូ មើលឃើញថាការប្រកួតជើងឯកថ្នាក់ជាតិ លើកទី១ ដែលទើបបញ្ចប់ទៅនេះជាបទពិសោធល្អមួយសម្រាប់កីឡាករ កីឡាការិនី ទាំងពេញវ័យ និងថ្នាលក្មេងៗ។

ឧកញ៉ា គួច ហុងចៀក

ឧកញ៉ា គួច ហុងចៀក អនុប្រធានសហព័ន្ធខាងលើបានឲ្យដឹងថា ដ្បិតតែការប្រកួតនេះជាលើកទី១ សម្រាប់សហព័ន្ធដែលបានរៀបចំឡើង ប៉ុន្តែអ្វីៗដំណើរការបានដោយរលូន និងទទួលបានភាពជោគជ័យជាខ្លាំង។ នេះជាបទពិសោធជាក់ស្ដែងមួយដ៏ល្អសម្រាប់សិស្សគុនហាប់គីដូ ដែលបានឆ្លងកាត់ការប្រកួតលើវិញ្ញាសាជាច្រើន និងបានធ្វើឲ្យពួកគេទទួលបានអ្វីដែលថ្មីពាក់ព័ន្ធនៃការប្រកួតដើម្បីឆ្ពោះទៅមុខកាន់តែល្អនៅការប្រកួតលើកក្រោយៗទៀត។

ទិដ្ឋភាពប្រកួត

ជុំវិញភាពជោគជ័យនៃការរៀបចំជើងឯកថ្នាក់ជាតិ លើកទី១ នេះសហព័ន្ធនឹងជជែកពិភាក្សាគ្នាដើម្បីធ្វើការប្រកួតជាបន្តបន្ទាប់នៅឆ្នាំក្រោយៗទៀត។ អនុប្រធានសហព័ន្ធរូបនេះនឹងប្រឹងប្រែងធ្វើយ៉ាងណារៀបចំការប្រកួតក្រោយៗទៀតឲ្យកាន់តែប្រសើរជាងនេះផងដែរ។

ទិដ្ឋភាពប្រកួត

បញ្ជាក់ដែរថា សហព័ន្ធខ្មែរកីឡាហាប់គីដូ មិនធ្លាប់មានការប្រកួតពានរង្វាន់ ឬមានការប្រកួតជើងឯកថ្នាក់ជាតិនោះទេតាំងពីមានវត្តមានកីឡាមួយនេះនៅកម្ពុជាអំឡុង ១៩៦០ ជាងរហូតមកដល់ពេលនេះ។ ទើបតែថ្ងៃទី២៣-២៤ ខែធ្នូ ឆ្នាំ២០២៣ នេះក្រោមការដឹកនាំរបស់លោកឧកញ៉ា សៅ សេងហាក់ និងឧកញ៉ា គួច ហុងចៀក នោះទេទើបបានរៀបចំការប្រកួតជើងឯកថ្នាក់ លើកទី១៕