លោក គង់ ចាន់ធីណា៖ ជាភ័ព្វសំណាងសិស្សជំនាន់នេះដែលមានការប្រកួត មានមេដាយពាក់ហ្នឹងគេ

2023-12-25 05:13:35
កីឡាផ្សេងៗ

2023-12-25 05:13:35
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក គង់ ចាន់ធីណា ថានេះជាភ័ព្វសំណាងហើយសម្រាប់សិស្សគុនហាប់គីដូជំនាន់នេះដែលមានការប្រកួតជើងឯកថ្នាក់ជាតិ និងមានឱកាសឈ្នះមេដាយជាដើម។

ឧកញ៉ា សៅ សេងហាក់ (ប្រធានសហព័ន្ធនៅខាងស្ដាំ)

ឧកញ៉ា គួច ហុងចៀក(ឆ្វេង) លោក គង់ ចាន់ធីណា(ស្ដាំ)

អគ្គលេខាធិការសហព័ន្ធខ្មែរកីឡាហាប់គីដូ លោក គង់ ចាន់ធីណា បានឲ្យដឹងថា បើនិយាយពីអារម្មណ៍រំភើបរកអ្វីប្រៀបផ្ទឹមបានទេនេះជាប្រវត្តិសាស្ត្រហើយសម្រាប់សហព័ន្ធបានរៀបចំការប្រកួតជើងឯកថ្នាក់ជាតិ ឆ្នាំ២០២៣។ កន្លងទៅរាប់សិបឆ្នាំហើយដែលមានកីឡាហាប់គីដូនៅកម្ពុជា ប៉ុន្តែមិនដែលមានការប្រកួតពានរង្វាន់ ឬការប្រកួតជើងឯកថ្នាក់ជាតិដូចនេះទេ។

ទិដ្ឋភាពបិទការប្រកួត (រូបភាព nocc)

នេះជាភ័ព្វសំណាងរបស់សិស្សគុនជំនាន់នេះក្រោមការដឹកនាំរបស់លោកឧកញ៉ា សៅ សេងហាក់ ប្រធាន និងឧកញ៉ា គួច ហុងចៀក អនុប្រធាន រួមទាំងសមាជិកគណៈកម្មការប្រតិបត្តិទាំងអស់ដែលបានមូលមតិ និងប្រមូលថវិកាគ្នាបង្កើតឲ្យមានការប្រកួតនេះឡើង។ រាប់សិបឆ្នាំហើយកីឡាករ និងគ្រូៗជំនាន់មុនហាត់គ្មានដែលស្គាល់ការប្រកួត ឬធ្លាប់មានមេដាយពាក់ដូចកីឡាផ្សេងងៗនោះឡើយ។

ទិដ្ឋភាពបិទការប្រកួត (រូបភាព nocc)

អគ្គលេខាធិការ និងគ្រូបង្វឹករូបនេះបន្ថែមទៀតថា នេះជាសកម្មភាព និងទិសដៅរបស់សហព័ន្ធក្នុងការពង្រឹងសមត្ថភាព ពង្រីកសកម្មភាពពីមួយកម្រិតឈានទៅមួយកម្រិតដូចជាឈានទៅដល់ការរៀបចំរៀងរាល់ឆ្នាំ និងស្វែងរកធនធានល្អៗឆ្ពោះទៅការប្រកួតកម្រិតអន្តរជាតិបន្តទៀត។ ការប្រកួតនេះជាការត្រួសត្រាយផ្លូវមួយផងដែរសម្រាប់សិស្សគុនហាប់គីដូចាប់ពីជំនាន់នេះតទៅឲ្យទទួលបាននូវលទ្ធផល និងធ្វើដំណើរទៅមុខប្រកបដោយសក្ដានុពល និងទទួលបានអត្ថប្រយោជន៍ពីកីឡាមួយនេះ។

ទិដ្ឋភាពបិទការប្រកួត (រូបភាព nocc)

រំលឹកដែរថា សហព័ន្ធខ្មែរកីឡាហាប់គីដូ បានបិទបញ្ចប់ការប្រកួតជើងឯកថ្នាក់ជាតិ លើកទី១ ឆ្នាំ២០២៣ របស់ខ្លួនហើយកាលពីម្សិលមិញនេះក្រោយធ្វើការប្រកួតអស់រយៈពេល ២ថ្ងៃចាប់ពីថ្ងៃទី២៣-២៤ ខែធ្នូ ក្នុងទីលានសូហ្វតិន្នីសក្នុងពហុកីឡដ្ឋានជាតិ។ ក្លឹបដែលជាប់លេខ១ បានលើ ក្រសួងមហាផ្ទៃ ឈ្នះមាស៧ ប្រាក់៧ សំរឹទ្ធ៧ សរុប២១គ្រឿង។ លេខ២ ក្លឹបធីណាហាប់គីដូ ឈ្នះមាស៥ ប្រាក់៤ សំរឹទ្ធ៣ សរុប១៣គ្រឿង និងលេខ៣ បានលើក្លឹបឥន្ទ្រីហាប់គីដូ ឈ្នះមាស៣ ប្រាក់៣ សំរឹទ្ធ៦ សរុប១២គ្រឿង៕