- 2023-12-22 08:28:07
- កីឡាផ្សេងៗ
ប្រធានសហព័ន្ធទាញព្រ័ត្រ៖ វគ្គបណ្ដុះបណ្ដាលគណៈកម្មការរៀបចំការប្រកួត ៦ថ្ងៃជួយពង្រឹងសមត្ថភាពសិក្ខាកាមកាន់តែច្បាស់
- 2023-12-22 08:28:07
- ចំនួនមតិ 0 | ចំនួនចែករំលែក 0
ប្រធានសហព័ន្ធទាញព្រ័ត្រ៖ វគ្គបណ្ដុះបណ្ដាលគណៈកម្មការរៀបចំការប្រកួត ៦ថ្ងៃជួយពង្រឹងសមត្ថភាពសិក្ខាកាមកាន់តែច្បាស់
ចន្លោះមិនឃើញ
ប្រធានសហព័ន្ធកីឡាទាញព្រ័ត្រកម្ពុជា ថាវគ្គបណ្ដុះបណ្ដាលគណៈកម្មការរៀបចំការប្រកួតរយៈពេល ៦ថ្ងៃនេះគឺបានពង្រឹងសមត្ថភាពសមត្ថភាព បច្ចេកទេសកាន់តែល្អប្រសើរពិសេសត្រៀមការប្រកួតផ្សេងៗ។
ឯកឧត្ដម មាស សារិន ប្រធានសហព័ន្ធទាញព្រ័ត្របានឲ្យដឹងថា ជាការពិតណាស់វគ្គបណ្ដុះបណ្ដាលគណៈកម្មការរៀបចំការប្រកួតនេះមានរយៈពេល ៦ថ្ងៃក៏ពិតមែន ប៉ុន្តែបានធ្វើឲ្យសិក្ខាកាមទាំងអស់យល់ដឹងអំពីបច្ចេកទេសរៀបចំការប្រកួតជាលក្ខណៈជាតិ អន្តរជាតិ ពិសេសសម្រាប់ត្រៀមរៀបចំការប្រកួតកីឡាយុវជនអាស៊ី ឆ្នាំ២០២៩ ដែលកម្ពុជាជាម្ចាស់ផ្ទះ។
ប្រធានសហព័ន្ធសូមថ្លែអអំណរគុណចំពោះគ្រូឧទ្ទេសដែលបានយកចិត្តទុកដាក់ខ្ពស់ក្នុងការបណ្ដុះបណ្ដាលដល់មន្ត្រីបច្ចេកទេសសហព័ន្ធ និងកោតសរសើរដល់សិក្ខាកាមទាំងអស់ដែលបានចូលរួមវគ្គបណ្ដុះបណ្ដាលនេះដោយយកចិត្តទុកដាក់ខ្ពស់ និងស្មារតីមិត្តភាព សាមគ្គីភាព។
បញ្ជាក់ដែរថា វគ្គបណ្ដុះបណ្ដាលគណៈកម្មការរៀបចំការប្រកួតរបស់សហព័ន្ធកីឡាទាញព្រ័ត្រនេះធ្វើឡើងរយៈពេល ៦ថ្ងៃចាប់ពីថ្ងៃទី១៥ ដល់ ២០ ខែធ្នូ ឆ្នាំ២០២៣។ សិក្ខាកាមចូលរួមសរុប ៥១នាក់មកពី ៩ស្ថាប័ន៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
