- 2023-09-26 03:13:45
- កីឡាផ្សេងៗ
កីឡាកាយសម្ព័ន្ធ៖ វគ្គបណ្ដុះបណ្ដាលគ្រូជាផ្នែកសំខាន់ក្នុងការជំរុញអភិវឌ្ឍន៍
- 2023-09-26 03:13:45
- ចំនួនមតិ 0 | ចំនួនចែករំលែក 0
កីឡាកាយសម្ព័ន្ធ៖ វគ្គបណ្ដុះបណ្ដាលគ្រូជាផ្នែកសំខាន់ក្នុងការជំរុញអភិវឌ្ឍន៍
ចន្លោះមិនឃើញ
សហព័ន្ធកីឡាកាយសម្ព័ន្ធកម្ពុជា វគ្គបណ្ដុះបណ្ដាលគ្រូកម្រិត១ និងការបោះជំរំហ្វឹកហាត់នៅកំពង់ឆ្នាំងនេះគឺមានសារសំខាន់ណាស់លើការជំរុញអភិវឌ្ឍន៍សមត្ថភាពគ្រូបង្គោលឲ្យតែមានចំណេះជំនាញច្បាស់លាស់បន្ថែមទៀត។
ឯកឧត្ដម ណយ ផាណា អគ្គលេខាធិការសហព័ន្ធកីឡាកាយសម្ព័ន្ធបានឲ្យដឹងថា វគ្គបណ្ដុះបណ្ដាលគ្រូកម្រិត១ (Academy in Aerobic level1) និងការបោះជំរំហ្វឹកហាត់នៅខេត្តកំពង់ឆ្នាំងនេះគឺមានសារសំខាន់ណាស់លើការអភិវឌ្ឍន៍ធនធាន។
វគ្គដែលធ្វើឡើងតាំងពីថ្ងៃទី២២ ខែកញ្ញានេះគឺផ្ដល់នូវចំណេះជំនាញច្បាស់លាស់ដល់គ្រូបង្គោលដើម្បីរឹតតែមានប្រសិទ្ធភាពក្នុងការបង្ហាត់បង្រៀនដល់កីឡាករ កីឡាការិនី។ កីឡាករ កីឡាការិនីកម្រិតមូលដ្ឋាន (អាយុ៨ឆ្នាំចុះ)គឺមានភាពបត់បែនលឿនប្រសិនបើមានគ្រូបង្ហាត់ល្អ ដូច្នេះគ្រូត្រូវមានចំណេះដឹងច្បាស់លាស់ជៀសវាងកំហុសឆ្គងណាមួយ។ ក្នុងវគ្គនេះដែរគឺមានបង្រៀនជាទ្រឹស្ដី និងការអនុវត្តន៍។
បញ្ជាក់ដែរថា វគ្គបណ្ដុះបណ្ដាលគ្រូកីឡាកាយសម្ព័ន្ធកម្រិត១ និងការបោះជំរំហ្វឹកហាត់នេះធ្វើឡើងនៅខេត្តកំពង់ឆ្នាំង។ សិក្ខាកាមចូលរួមមាន២២នាក់ ស្រី៨នាក់។ វគ្គនេះធ្វើឡើងចាប់ពីថ្ងៃទី២២ ដល់ ២៦ ខែកញ្ញា ឆ្នាំ២០២៣៕
