- 2023-08-02 03:33:46
- កីឡាផ្សេងៗ
ជោគជ័យធំធេងណាស់ក្រុមកីឡាហែលទឹកក្រសួងមហាផ្ទៃឈ្នះមេដាយមាស ៦គ្រឿងនៅប្រទេសកាណាដា
- 2023-08-02 03:33:46
- ចំនួនមតិ 0 | ចំនួនចែករំលែក 0
ជោគជ័យធំធេងណាស់ក្រុមកីឡាហែលទឹកក្រសួងមហាផ្ទៃឈ្នះមេដាយមាស ៦គ្រឿងនៅប្រទេសកាណាដា
ចន្លោះមិនឃើញ
ក្រុមកីឡាហែលទឹករបស់ក្រសួងមហាផ្ទៃដែលកំពុងចូលរួមការប្រកួត The 20th World Police & Fire Games 2023 គឺបានបង្ហាញភាគជោគជ័យជាខ្លាំងដោយដណ្ដើមបានមេដាយមាស ៦គ្រឿង ប្រាក់ ៦គ្រឿង និងសំរឹទ្ធ ៣គ្រឿង។
បើតាមការបង្ហោះផ្សព្វផ្សាយលើហ្វេសបុករបស់ផេក ក្រុមប្រឹក្សាកីឡាក្រសួងមហាផ្ទៃ មុននេះបានបញ្ជាក់ថា ក្រុមកីឡាករ កីឡាការិនីហែលទឹករបស់ក្រសួងមហាផ្ទៃគឺរួមមានកីឡាការិនី សុខ វល័ក្ខ ឈ្នះមេដាយមាស ៤គ្រឿង ប្រាក់ ១គ្រឿង។ កីឡាករ ហែម ប៉ុច ឈ្នះមេដាយមាស ២គ្រឿង ប្រាក់ ៣គ្រឿង និងកីឡាករ លឹម កែវឧត្តម ឈ្នះមេដាយប្រាក់ ២គ្រឿង សំរឹទ្ធ ៣គ្រឿង សរុបមេដាយទាំងអស់មានចំនួន ១៥គ្រឿង។
បញ្ជាក់ដែរថា លើប្រភេទកីឡាហែលទឹកនេះគឺក្រសួងមហាផ្ទៃបានបញ្ជូនកីឡាករ ២រូប កីឡាការិនី ១រូប និងគ្រូបង្វឹក ១រូប។ ព្រឹត្តិការណ៍ The 20th World Police & Fire Games 2023 ដែលកំពុងធ្វើនៅប្រទេសកាណាដា នេះគឺក្រុមប្រឹក្សាកីឡាក្រសួងមហាផ្ទៃ បានបញ្ជូនប្រតិភូ គ្រូបង្វឹក កីឡាករ កីឡាការិនីសរុបចំនួន ៤៨រូបលើ ១៣ប្រភេទ កីឡា៕
