- 2023-07-13 04:41:49
- កីឡាផ្សេងៗ
សហព័ន្ធកីឡាទាញព្រ័ត្របើកការប្រកួតជើងឯកថ្នាក់ជាតិ ២០២៣ របស់ខ្លួនហើយកាលពីព្រឹកមិញនេះ
- 2023-07-13 04:41:49
- ចំនួនមតិ 0 | ចំនួនចែករំលែក 0
សហព័ន្ធកីឡាទាញព្រ័ត្របើកការប្រកួតជើងឯកថ្នាក់ជាតិ ២០២៣ របស់ខ្លួនហើយកាលពីព្រឹកមិញនេះ
ចន្លោះមិនឃើញ
សហព័ន្ធកីឡាទាញព្រ័ត្រកម្ពុជា ព្រឹកមិញនេះបានបើកការប្រកួតជ្រើសរើសជើងឯកថ្នាក់ជាតិឆ្នាំ២០២៣ របស់ខ្លួនហើយនៅក្បែររង្វង់មូលនាងមច្ឆាក្នុងតំបន់ OCIC ជ្រោយចង្វា។
ឯកឧត្ដម មាស សារិន ប្រធានសហព័ន្ធកីឡាទាញព្រ័ត្រកម្ពុជា បានឲ្យដឹងថា ក្រោមការដឹកនាំរបស់រាជរដ្ឋាភិបាលកម្ពុជា បានធ្វើឲ្យវិស័យកីឡានៅកម្ពុជាបច្ចុប្បន្នកំពុងតែអភិវឌ្ឍ និងរីកចម្រើនលើគ្រប់ប្រភេទកីឡាក្នុងនោះក៏មានកីឡាទាញព្រ័ត្រផងដែរ។ ជាក់ស្ដែងកន្លងមកនេះក្រុមកីឡាទាញព្រ័ត្រកម្ពុជាធ្លាប់ទទួលបានមេដាយជាច្រើនគ្រឿងលើឆាកអន្តរជាតិ។
ប្រធានសហព័ន្ធខាងលើ សំណូមពរដល់កីឡាករ កីឡាការិនីដែលចូលរួមប្រកួតកីឡាទាញព្រ័ត្រជ្រើសរើសជើងឯកថ្នាក់ជាតិ ឆ្នាំ២០២៣ នេះត្រូវយកចិត្តទុកដាក់ខិតខំបញ្ចេញអស់សមត្ថភាពក្នុងការប្រកួត និងឈរលើគោលការណ៍លេងដោយយុត្តិធម៌ គោរពវិន័យ និងអនុវត្តឲ្យបានល្អប្រសើរនូវបទបញ្ជានៃការប្រកួត។
បញ្ជាក់ដែរថា ការប្រកួតជ្រើសរើសជើងឯកថ្នាក់ជាតិ ឆ្នាំ២០២៣ នេះគឺមាន ១២ សមាគមចូលរួម និងត្រូវជា ៣៨ក្រុមហើយសរុបកីឡាករ កីឡាការិនីមានចំនួន ២៤៤នាក់។ ការប្រកួតនេះធ្វើឡើងចាប់ពីថ្ងៃទី១២ ដល់ ១៥ ខែកក្កដា ឆ្នាំ២០២៣ នៅរង្វង់មូលនាងមច្ឆា ក្នុងតំបន់ OCIC ជ្រោយចង្វា៕
