- 2023-05-17 11:32:38
- កីឡាផ្សេងៗ
ការប្រកួតស៊ីហ្គេមបញ្ចប់រួចរាល់នៅ OCIC ខណៈមានតែ ៤ប្រភេទកីឡានេះបញ្ចប់ក្រោយគេកាលពីម្សិលមិញ
- 2023-05-17 11:32:38
- ចំនួនមតិ 0 | ចំនួនចែករំលែក 0
ការប្រកួតស៊ីហ្គេមបញ្ចប់រួចរាល់នៅ OCIC ខណៈមានតែ ៤ប្រភេទកីឡានេះបញ្ចប់ក្រោយគេកាលពីម្សិលមិញ
ចន្លោះមិនឃើញ
សាលសម្រាប់ប្រកួតដ៏សំខាន់មួយក្នុងចំណោមសាលធំៗនៅស៊ីហ្គេម ឆ្នាំ២០២៣ នោះគឺ OCIC ដែលមាន១៤ ប្រភេទកីឡាបានបិទបញ្ចប់ដោយជោគជ័យហើយកាលពីម្សិលមិញនេះ។ ដោយឡែកកីឡា ៤ ប្រភេទដែលលេងចុងក្រោយគេបង្អស់រួមមាន កីឡាអាតនីស កីឡាយូដូ កីឡាគុនដាវ និងកីឡាចំបាប់។
ការប្រកួតស៊ីហ្គេម លើកទី៣២ ដែលកម្ពុជាជាម្ចាស់ផ្ទះគឺឈានដល់ថ្ងៃបិទបញ្ចប់ជាផ្លូវការហើយនៅថ្ងៃទី១៧ ខែឧសភា ឆ្នាំ២០២៣ នេះ។ ចំពោះការប្រកួតតាមប្រភេទកីឡាផ្សេងៗគឺបញ្ចប់ជាបន្តបន្ទាប់តាមការកំណត់មិនថានៅរាជធានីភ្នំពេញ សៀមរាប ព្រះសីហនុ កំពត កែប នោះទេពោលគិតត្រឹមពេលនេះបញ្ចប់រួចអស់ហើយ។
សម្រាប់សាល OCIC ដែលជាកន្លែងប្រកួតដ៏ធំក្នុងព្រឹត្តិការណ៍នេះរួមមានកីឡាដូចជា BOXING FENCING HOCKEY (INDOOR) JUDO KARATE ARNIS JIUJITSU KUN-BOKATOR VOVINAM OBSTACLE RACE PENCAK SILAT TAEKWONDO WRESTLING WUSHU។
បញ្ចប់ព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ នេះម្ចាស់ផ្ទះកម្ពុជាឈរនៅចំណាត់ថ្នាក់លេខ ៤ ក្នុងចំណោម ១១ ប្រទេសក្នុងអាស៊ីអាគ្នេយ៍ដែលបានចូលរួម។ កម្ពុជាឈ្នះមេដាយសរុប ២៨២ គ្រឿង មាស៨១ ប្រាក់៧៤ សំរឹទ្ធ១២៧ ខណៈប្រទេសជាប់លេខ១ បានលើ វៀតណាម ឈ្នះមេដាយ ៣៥៥គ្រឿង មាស១៣៦ ប្រាក់១០៥ សំរឹទ្ធ១១៤។ ព្រឹត្តិការណ៍ស៊ីហ្គេម នេះគឺចាប់ផ្ដើមជាផ្លូវការតាំងពីថ្ងៃទី៥ ដល់ ១៧ ខែឧសភា ឆ្នាំ២០២៣៕
