- 2023-05-08 08:00:51
- កីឡាផ្សេងៗ
កាយសម្ព័ន្ធ៖ បើកការប្រកួតស៊ីហ្គេមព្រឹកមិញនេះហើយ ខណៈបណ្ដាប្រទេសសរសើរថាទទួលភ្ញៀវបានល្អ
- 2023-05-08 08:00:51
- ចំនួនមតិ 0 | ចំនួនចែករំលែក 0
កាយសម្ព័ន្ធ៖ បើកការប្រកួតស៊ីហ្គេមព្រឹកមិញនេះហើយ ខណៈបណ្ដាប្រទេសសរសើរថាទទួលភ្ញៀវបានល្អ
ចន្លោះមិនឃើញ
ប្រភេទកីឡាកាយសម្ព័ន្ធ បានធ្វើពិធីបើកការប្រកួតស៊ីហ្គេម ហើយនាព្រឹកមិញនេះ ស្របពេលដែលបណ្ដាប្រទេសមកចូលរួមសប្បាយចិត្ត និងសរសើរថាកម្ពុជារៀបចំបានល្អពិសេសការទទួលភ្ញៀវ។
ឯកឧត្ដម ណយ ផាន់ណា អគ្គលេខាធិការសហព័ន្ធបានឲ្យដឹងថា ចំពោះការហ្វឹកហាត់កម្ដៅសាច់ដុំគឺកីឡាករ កីឡាការិនីបណ្ដាប្រទេសផ្សេងៗគឺបានហាត់តាំងពីថ្ងៃទី៦ ឧសភា មកម្ល៉េះ។ ដោយឡែកការប្រកួតគឺចាប់ផ្ដើមពីព្រឹកមិញនេះទៅហើយរហូតដល់ថ្ងៃទី៩ ទើបបញ្ចប់ និងរៀបចំយកឧបករណ៍ចេញដើម្បីធ្វើការប្រកួតផ្នែក Aerobic បន្តទៀត។
អគ្គលេខាធិការខាងលើបន្ថែមទៀតថា បណ្ដាប្រទេសដែលមកចូលរួមគឺមានការសប្បាយចិត្តជាខ្លាំង ថាកម្ពុជារៀបចំបានល្អ ទទួលភ្ញៀវបានល្អ ការដឹកជញ្ជូន ការហូបចុក ស្នាក់នៅធ្វើបានល្អតែម្ដង។ ចំពោះពិធីបើកស៊ីហ្គេម គឺរៀបចំអស្ចារ្យស្ទើរតែគ្មានអ្នកធ្វើដូច។
បញ្ជាក់ដែរថា ប្រភេទកីឡាកាយសម្ព័ន្ធគឺកំពុងប្រកួតនៅពហុកីឡដ្ឋានជាតិ។ ការប្រកួតដំបូងនេះលើផ្នែក Gymnastic។ សម្រាប់អ្នកចង់ទស្សនាការប្រកួតគឺអញ្ជើញចូលរួមបានដោយសេរីនៅទីលានប្រកួតក្នុងពហុកីឡដ្ឋានជាតិ នៅជាប់វិមាន៕
