- 2023-02-20 06:04:57
- កីឡាផ្សេងៗ
សហព័ន្ធតេក្វាន់ដូ WT ម្សិលមិញប្រជុំបូកសរុបការងារឆ្នាំ២០២២ និងលើកទិសដៅ ២០២៣
- 2023-02-20 06:04:57
- ចំនួនមតិ 0 | ចំនួនចែករំលែក 0
សហព័ន្ធតេក្វាន់ដូ WT ម្សិលមិញប្រជុំបូកសរុបការងារឆ្នាំ២០២២ និងលើកទិសដៅ ២០២៣
ចន្លោះមិនឃើញ
ម្សិលមិញនេះសហព័ន្ធតេក្វាន់ដូ WT បានប្រជុំបូកសរុបលទ្ធផលការងារឆ្នាំចាស់ ២០២២ និងលើកទិសដៅសំខាន់ៗសម្រាប់ឆ្នាំ២០២៣ ដោយមានការចូលរួមពីឯកឧត្ដម ហង់ ជូនណារ៉ុន និងមន្ត្រី-គ្រូបង្វឹកជាច្រើនរូប។
ឯកឧត្ដម ហង់ ជូនណារ៉ុន បានលើកឡើងថា នៅឆ្នាំ២០២២ នេះសហព័ន្ធបានសម្រេចនូវសមិទ្ធផលច្រើន ទន្ទឹមនិងនេះក៏នៅមានការខ្វះចន្លោះមួយចំនួនដែរ។ ការសម្រេចបានក៏ដូចជាសមិទ្ធផលនានាទាំងនេះគឺមិនភ្លេចឡើយពីការជំរុញគាំទ្ររបស់ក្រសួងអប់រំយុវជន និងកីឡា គណៈកម្មាធិការជាតិអូឡាំពិកកម្ពុជាផងដែរ។
ប្រធានសហព័ន្ធខាងលើទឹកចិត្តដល់កីឡាករ កីឡាការិនី គ្រូបង្វឹក បន្តខំប្រឹងប្រែងបន្ថែមទៀតដើម្បីសម្រេចនូវភាពជោគជ័យនៅព្រឹត្តិការណ៍ស៊ីហ្គេម លើកទី៣២ ខែឧសភា ឆ្នាំ២០២៣ ខាងមុខនេះ។ មួយវិញទៀតត្រូវរួមគ្នាបន្តអនុវត្តន៍ទិសដៅសំខាន់ៗទាំងប៉ុន្មានដែលសហព័ន្ធលើកឡើងនៅពេលនេះទាំងអស់គ្នា។
រំលឹកដែរថា កម្មវិធីបូកសរុបលទ្ធផលការងារឆ្នាំចាស់ ២០២២ និងលើកទិសដៅសម្រាប់ឆ្នាំថ្មី ២០២៣ នេះធ្វើឡើងនៅសាលប្រជុំក្នុងអគារមជ្ឈមណ្ឌលហ្វឹកហ្វឺនកីឡាជាប់ពហុកីឡដ្ឋានជាតិកាលពីរសៀលថ្ងៃទី១៩ ខែកុម្ភៈ ឆ្នាំ២០២៣៕
