- 2022-12-20 04:57:59
- កីឡាផ្សេងៗ
សហព័ន្ធទោចក្រយាន៖ ការប្រកួតជើងឯកថ្នាក់ជាតិទទួលបានអ្នកចុះឈ្មោះជាង ២០០នាក់
- 2022-12-20 04:57:59
- ចំនួនមតិ 0 | ចំនួនចែករំលែក 0
សហព័ន្ធទោចក្រយាន៖ ការប្រកួតជើងឯកថ្នាក់ជាតិទទួលបានអ្នកចុះឈ្មោះជាង ២០០នាក់
ចន្លោះមិនឃើញ
អគ្គលេខាធិការសហព័ន្ធទោចក្រយាន ថាសម្រាប់ការប្រកួតជើងឯកថ្នាក់ជាតិ ឆ្នាំ២០២២ នេះទទួលការចុះឈ្មោះរយៈពេល ២ថ្ងៃទៀត ខណៈបច្ចុប្បន្ននេះមានកីឡាករ កីឡាការិនីជាង ២០០នាក់ហើយ។
លោក នូ ចំរើន អគ្គលេខាធិការបានឲ្យដឹងថា ការប្រកួតជើងឯកថ្នាក់ជាតិ ឆ្នាំ២០២២ នេះគឺធ្វើឡើងនៅក្នុងខេត្តសៀមរាបដដែលដោយប្រើប្រាស់ទីតាំង ២ផ្សេងគ្នា ទី១ ក្រុងសៀមរាបតំបន់អង្គរ និងទី២ ស្រុកបន្ទាយស្រី។
គិតមកដល់ពេលនេះការចុះឈ្មោះមានចំនួន ២៥២នាក់ហើយ យ៉ាងណាសហព័ន្ធក៏នៅតែបន្តទទួលការចុះឈ្មោះចំពោះកីឡាករ កីឡាការិនីមកពី សមាគម បណ្ដាក្លឹបនានារយៈពេល២ថ្ងៃទៀតផងដែរ។
តំណាងសហព័ន្ធខាងលើក៏ថ្លែងអំណរគុណដល់ HERBALIFE ដែលតែងតែជួយឧបត្ថម្ភដល់ការប្រកួតកន្លងទៅ និងពិសេសទៅទៀតនោះឆ្នាំនេះបានបន្ថែមថវិកាទ្វេដងរហូតដល់ជាង ៤០០០០ ដុល្លារក្នុងការរៀបចំការជើងឯកថ្នាក់ជាតិ ឆ្នាំ២០២២។
បញ្ជាក់ដែរថា ការប្រកួតជ្រើសរើសជើងឯកថ្នាក់ជាតិ ឆ្នាំ២០២២ របស់សហព័ន្ធកីឡាទោចក្រយាន ធ្វើឡើងនៅថ្ងៃទី ២៦ ដល់ ២៨ ខែធ្នូ។ សម្រាប់អ្នកចង់ចុះឈ្មោះចូលរួមប្រកួតអាចទំនាក់ទំនងទៅកាន់សហព័ន្ធទោចក្រយាន ឬហ្វេសបុកផេក សហព័ន្ធកីឡាទោចក្រយានកម្ពុជា Cambodian Cycling Federation – CCF៕
