- 2022-11-25 08:26:55
- កីឡាផ្សេងៗ
ឯកឧត្ដម កែវ រ៉េមី៖ តេក្វាន់ដូ ITF ខ្លាំងមិនមែនមកពីខ្ញុំតែម្នាក់នោះទេ
- 2022-11-25 08:26:55
- ចំនួនមតិ 0 | ចំនួនចែករំលែក 0
ឯកឧត្ដម កែវ រ៉េមី៖ តេក្វាន់ដូ ITF ខ្លាំងមិនមែនមកពីខ្ញុំតែម្នាក់នោះទេ
ចន្លោះមិនឃើញ
ឯកឧត្ដម កែវ រ៉េមី ថាសហព័ន្ធតេក្វាន់ដូ ITF ខ្លាំង និងល្បីឈ្មោះទាំងក្នុងប្រទេស លើឆាកអន្តរជាតិដូចពេលនេះមិនមែនមកពីមានលោកម្នាក់ឯងនោះទេ ពោលដោយសារការសហការទាំងអស់គ្នា។
ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF កម្ពុជា បានឲ្យដឹងក្រោយបិទការប្រកួតកីឡាជាតិលើកទី៣ ថាភាពខ្លាំងទាំងសមត្ថភាពកីឡាករ ភាពមានវិន័យ ការឈ្នះមេដាយអន្តរជាតិនាំមុខមាត់ជូនជាតិកន្លងមកនេះគឺមានល្បីល្បាញ និងមានការកោតសរសើរច្រើន។
ប្រធានសហព័ន្ធរូបនេះលើកឡើងទៀតថា កេរ្តិ៍ឈ្មោះ និងភាពជោគជ័យទាំងនេះមិនមែនដោយសារតែលោកដឹកនាំម្នាក់ឯងនោះទេ គឺដោយសារការសហការ ការខំប្រឹងរបស់កីឡាករ កីឡាការិនី គ្រូបង្វឹក ថ្នាក់ដឹកនាំទាំងអស់។
រំលឹកដែរថា តេក្វាន់ដូ ITF ជាសហព័ន្ធល្បីឈ្មោះមួយនៅកម្ពុជា និងអន្តរជាតិតាមរយៈការឈ្នះមេដាយគ្រប់កម្រិត និងមានការសរសើរពីសម្ដេច តេជោ ផងដែរអំពីគុណភាពកីឡាករ កីឡាការិនី។ សម្រាប់កីឡាជាតិលើកទី៣ នេះសហព័ន្ធខាងលើបានបិទបញ្ចប់ការប្រកួតជាផ្លូវការហើយកាលពីថ្ងៃទី២៣ វិច្ឆិកា ២០២២ នៅក្នុងវិមាននៃពហុកីឡដ្ឋានជាតិ៕
