- 2022-10-26 07:51:15
- កីឡាផ្សេងៗ
លោក ណយ ផាន់ណា៖ Aerobic gymnastics វិញ្ញាសាសក្ដានុពលរបស់កីឡាកាយសម្ព័ន្ធកម្ពុជា
- 2022-10-26 07:51:15
- ចំនួនមតិ 0 | ចំនួនចែករំលែក 0
លោក ណយ ផាន់ណា៖ Aerobic gymnastics វិញ្ញាសាសក្ដានុពលរបស់កីឡាកាយសម្ព័ន្ធកម្ពុជា
ចន្លោះមិនឃើញ
លោក ណយ ផាន់ណា ថាវិញ្ញាសា Aerobic gymnastics នៅពេលបច្ចុប្បន្ននេះគឺជាប្រភេទវិញ្ញាសាមានសក្ដានុពលរបស់កីឡាកាយសម្ព័ន្ធកម្ពុជា ខណៈថ្ងៃនេះកំពុងបង្ហាញសមត្ថភាពក្នុងកម្មវិធីជើងឯកថ្នាក់ជាតិ។
អគ្គលេខាធិការសហព័ន្ធកាយសម្ព័ន្ធកម្ពុជាលោក ណយ ផាន់ណា បានឲ្យដឹងថា តាមរយៈសមិទ្ធផលឈ្នះមេដាយច្រើនគ្រឿងទាំងនៅស៊ីហ្គេម វៀតណាម រួមនិងការឈ្នះមេដាយអាស៊ីថ្មីៗនេះសបញ្ជាក់វិញ្ញាសា Aerobic gymnastics គឺមានសក្ដានុពលខ្លាំងសម្រាប់សហព័ន្ធ។
ក្នុងការប្រកួតជើងឯកអាស៊ីនៅប្រទេសថៃប៉ុន្មានខែមុននេះមានការស្ងើចសរសើរពីបណ្ដាប្រទេសមួយចំនួនចំពោះសមត្ថភាពរីកចម្រើនត្រឹមរយៈពេល២ឆ្នាំចុងក្រោយនេះកីឡាករ កីឡាការិនីបង្ហាញភាពលេចធ្លោតែម្ដង។ ខណៈដែរប្រទេសផ្សេងៗកំពុងមានបញ្ហាប្រឈមជាមួយកូវីដ ប៉ុន្តែកម្ពុជាហាក់ប្លែកពីគេទៅវិញ។
ព្រឹកមិញនេះដែរការប្រកួតជើងឯកថ្នាក់ជាតិ ឆ្នាំ២០២២ កីឡាករ កីឡាការិនីវិញ្ញាសា Aerobic gymnastics ក៏បានបង្ហាញពីសមត្ថភាពរៀងៗខ្លួនដើម្បីដណ្ដើមមេដាយជូនសមាគមក្លឹបរបស់ខ្លួនផងដែរ។
ចំពោះការប្រកួតជើងឯកថ្នាក់ជាតិ ឆ្នាំ២០២២ នេះកីឡាកាយសម្ព័ន្ធគឺដាក់ឲ្យលេងលើ ១៣វិញ្ញាសា ក្នុងនោះផ្នែក Aerobic gymnastics នេះមាន៥វិញ្ញាសា។ កម្មវិធីជើងឯកថ្នាក់ជាតិនេះកំពុងធ្វើឡើងនៅក្នុងពហុកីឡដ្ឋានជាតិដែលចាប់ផ្ដើមតាំងពីថ្ងៃទី២២ ខែតុលា មកម្ល៉េះ៕
