- 2022-10-11 03:21:43
- កីឡាផ្សេងៗ
ពានរង្វាន់ CAROM CUP 2022 ជាការពង្រឹងសមត្ថភាពឆ្ពោះទៅស៊ីហ្គេម
- 2022-10-11 03:21:43
- ចំនួនមតិ 0 | ចំនួនចែករំលែក 0
ពានរង្វាន់ CAROM CUP 2022 ជាការពង្រឹងសមត្ថភាពឆ្ពោះទៅស៊ីហ្គេម
ចន្លោះមិនឃើញ
ពានរង្វាន់ប៊ីយែរ CAROM CUP 2022 (ប៊ីយែរការ៉ុម) ដែលទើបបញ្ចប់ថ្មីៗនេះគឺការមួយដែលរួមចំណែកពង្រឹងសមត្ថភាព និងស្វែងរកនូវធនធានលេចធ្លោដើម្បីឆ្ពោះទៅកាន់ការប្រកួតស៊ីហ្គេម លើកទី៣២ កម្ពុជាជាម្ចាស់ផ្ទះ។
លោក ម៉ារ៉ា សុជាតិ អគ្គលេខាធិការសហព័ន្ធប៊ីយ៉ា និងស្នូកឃ័រ បានឲ្យដឹងថា សម្រាប់ការបង្កើតពានរង្វាន់ ពានរង្វាន់ CAROM CUP 2022 (ប៊ីយែរការ៉ុម) របស់ក្លឹបស្នូរឃ័រ LUX98 នេះគឺជាការរួមចំណែកមួយយ៉ាងសំខាន់ជាមួយសហព័ន្ធក្នុងការផ្សព្វផ្សាយប្រភេទកីឡាមួយនេះ។
ជាមួយគ្នានេះដែរអគ្គលេខាធិការខាងលើបញ្ជាក់ទៀតថា ការប្រកួតនេះគឺបានសង្វែងរកនូវធនធានដែលមានសមត្ថភាពនានា បានពង្រឹងក៏ដូចជាផ្ដល់បទពិសោធថ្មីៗបន្ទាប់ពីប្រកួតរួច និងជាការវាស់ស្ទង់សមត្ថភាពចំពោះកីឡាករដែលបានហ្វឹកហាត់កន្លងផងដែរ។
តំណាងសហព័ន្ធអះអាងទៀតថាសកម្មភាពទាំងប៉ុន្មានខាងលើនេះជាការរួមចំណែកសំខាន់មួយដើម្បីឆ្ពោះទៅរកភាពជោគជ័យពិសេសស៊ីហ្គេម ២០២៣ ដែលកម្ពុជាជាម្ចាស់ផ្ទះ។ ប្រសិនបើមានអ្នកចង់ហាត់រៀនលើវិញ្ញាសានេះក៏អាចទំនាក់ទំនងទៅកាន់ក្លឹប LUX98 ក្រុមតាខ្មៅបានផងដែរ ព្រោះទីនោះមានឧបករណ៍ សម្ភារត្រឹមត្រូវគ្រប់គ្រាន់ជាពិសេសមានគ្រូជំនាញ។
រំលឹកដែរថា ពានរង្វាន់ប៊ីយែរ CAROM CUP 2022 (ប៊ីយែរការ៉ុម) នេះជាការផ្ដួចផ្ដើមបង្កើតឡើងដោយក្លឹប LUX98 ដែលមានទីតាំងក្នុងក្រុងតាខ្មៅ។ ការប្រកួតនេះធ្វើឡើងរយៈពេល៣ថ្ងៃចាប់ពីថ្ងៃទី៨ ដល់ទី១០ ខែតុលា ឆ្នាំ២០២២៕
