- 2022-09-12 08:48:24
- កីឡាផ្សេងៗ
CAMSOC៖ ស៊ីហ្គេម ២០២៣ ក្រុមហ៊ុន Pathmazing INC ទទួលសិទ្ធក្នុងការជួយរកចំណូល
- 2022-09-12 08:48:24
- ចំនួនមតិ 0 | ចំនួនចែករំលែក 0
CAMSOC៖ ស៊ីហ្គេម ២០២៣ ក្រុមហ៊ុន Pathmazing INC ទទួលសិទ្ធក្នុងការជួយរកចំណូល
ចន្លោះមិនឃើញ
តំណាង CAMSOC កិច្ចប្រជុំគណៈអចិន្ត្រៃយ៍ព្រឹកមិញនេះបានពិនិត្យលើបទបង្ហាញរបស់គណៈកម្មការទីផ្សារ និងចលនូប្បត្ថម្ភពិសេសពីក្រុមហ៊ុន Pathmazing INC ដែលបានទទួលសិទ្ធលើការរកចំណូលសម្រាប់ស៊ីហ្គេម ២០២៣ ខាងមុខ។
ឯកឧត្ដម វ៉ាត់ ចំរើន ថ្លែងសង្ខេបក្រោយកិច្ចប្រជុំ CAMSOC ព្រឹកមិញនេះថា ដើម្បីឲ្យមានការផុលផុស និងកៀរគររកចំណូល ផ្សព្វផ្សាយបញ្ជ្រាបចំណេះដឹងអំពីស៊ីហ្គេមដល់ស្រទាប់មហាជនទាំងជាតិ អន្តរជាតិទាល់តែមានការសហការពីគ្រប់ផ្នែកទាំងអស់ហើយពិសេសផ្នែកទីផ្សារ (Marketing) ក៏ជារឿងសំខាន់ផងដែរ។
ចំពោះខាងផ្នែកទីផ្សារ (Marketing) ដើម្បីរកចំណូលខាងថវិការ និងសម្ភារនោះគឺខាង CAMSOC បានផ្ដល់សិទ្ធឲ្យទៅក្រុមហ៊ុនឯកជន Pathmazing INC។ ព្រឹកមិញនេះដែរឯកឧត្ដម ថោង ខុន បានប្រគល់ និងញែកការងារនេះច្បាស់លាស់ជូនក្រុមហ៊ុនខាងលើ។ ជាមួយនេះដែរខាង Pathmazing INC ក៏បានធ្វើបទបង្ហាញផ្សេងៗអំពីដំណើរការងារដល់អង្គប្រជុំ។
រំលឹកដែរថា គណៈកម្មាធិការជាតិរៀបចំព្រឹត្តិការណ៍កីឡាអាស៊ីអាគ្នេយ៍ លើកទី៣២ CAMSOC គឺតែងតែធ្វើកិច្ចប្រជុំជាមួយគណៈកម្មការជំនាញផ្សេងៗរៀងរាល់សប្ដាហ៍ដើម្បីពិនិត្យវឌ្ឍនភាពការងារ និងដោះស្រាយពីបង្ហាញប្រឈមនានា។ ឆ្នាំ២០២៣ កម្ពុជានឹងធ្វើជាម្ចាស់ផ្ទះព្រឹត្តិការណ៍ស៊ីហ្គេម លើកទី៣២៕
