- 2022-08-31 07:15:34
- កីឡាផ្សេងៗ
សហព័ន្ធកាយសម្ព័ន្ធ៖ មេដាយជើងឯកអាស៊ី ជាការប្រកួតមួយធំ និងលំបាកឈ្នះជាងស៊ីហ្គេម
- 2022-08-31 07:15:34
- ចំនួនមតិ 0 | ចំនួនចែករំលែក 0
សហព័ន្ធកាយសម្ព័ន្ធ៖ មេដាយជើងឯកអាស៊ី ជាការប្រកួតមួយធំ និងលំបាកឈ្នះជាងស៊ីហ្គេម
ចន្លោះមិនឃើញ
អគ្គលេខាធិការសហព័ន្ធកីឡាកាយសម្ព័ន្ធ ថាការប្រកួតជ្រើសរើសជើងឯកអាស៊ីគឺមានលក្ខណៈធំ និងពិបាកក្នុងការឈ្នះមេដាយជាងស៊ីហ្គេម ទៅទៀត ប៉ុន្តែយ៉ាងណាកីឡាករ កីឡាការិនីកម្ពុជាបានត្រៀមរួចហើយដើម្បីស្វែងរកមេដាយជូនជាតិ។
លោក ណយ ផាន់ណា អគ្គលេខាធិការសហព័ន្ធបានឲ្យដឹងថា បើប្រៀបធៀបការប្រកួតជើងឯកអាស៊ីនេះគឺធំ និងមានការលំបាកជាងព្រឹត្តិការណ៍ស៊ីហ្គេមទៅទៀត។ ព្រោះថាជើងឯកអាស៊ីគឺមានប្រទេសចូលរួមច្រើន ជាពិសេសជើងខ្លាំងមកពីជប៉ុន អ៊ីរ៉ង់ កូរ៉េ វៀតណាមជាដើម។ ការប្រកួតខ្លាំងគុណតម្លៃនៃមេដាយក៏ធំធេងផងដែរ។
អ្នកជំនាញផ្នែកកាយសម្ព័ន្ធរបស់កម្ពុជារូបនេះបន្ថែមទៀតថា ពិតណាស់ការប្រកួតនេះធំ និងលំបាក ប៉ុន្តែសហព័ន្ធ គ្រូបង្វឹក កីឡាករ កីឡាការិនីបានត្រៀមរួចរាល់សម្រាប់ការប្រកួតប្រជែងនេះ។ ព្រោះថាសហព័ន្ធមានផែនការនៃការហ្វឹកហាត់ច្បាស់លាស់ក្នុងការបង្កើនសមត្ថភាពពីមួយកម្រិតទៅមួយកម្រិតពិសេសឆ្ពោះទៅការប្រកួតធំៗបែបនេះ។
រំលឹកដែរថា ការប្រកួតជ្រើសរើសជើងឯកអាស៊ី លើកទី៧ AEROBIC GYMNASTIC 2022 នេះធ្វើឡើងនៅទីក្រុង Pattaya ប្រទេសថៃ គឺចាប់ពីថ្ងៃទី៣១ សីហា ដល់ ៦ កញ្ញា។ កម្ពុជាបញ្ជូនកីឡាករ កីឡាការិនី គ្រូបង្វឹកសរុប ១៨នាក់។ ក្រុមកាយសម្ព័ន្ធកម្ពុជាបានចាក់ចេញទៅប្រទេសថៃកាលពីព្រឹកមិញនេះហើយ៕
