- 2022-08-15 06:59:37
- កីឡាផ្សេងៗ
NOCC ៖ វគ្គបណ្ដុះបណ្ដាលគ្រូកីឡាវាយកូនបាល់កម្រិតដំបូង និងមធ្យម ជាការបើកវគ្គត្រូវចំពេលវេលាល្អ
- 2022-08-15 06:59:37
- ចំនួនមតិ 0 | ចំនួនចែករំលែក 0
NOCC ៖ វគ្គបណ្ដុះបណ្ដាលគ្រូកីឡាវាយកូនបាល់កម្រិតដំបូង និងមធ្យម ជាការបើកវគ្គត្រូវចំពេលវេលាល្អ
ចន្លោះមិនឃើញ
តំណាងគណៈកម្មាធិការជាតិអូឡាំពិកកម្ពុជា (NOCC) ថាការបើកវគ្គបណ្ដាលគ្រូកីឡាវាយកូនបាល់កម្រិតដំបូង និងកម្រិតមធ្យមអំឡុងពេលនេះគឺល្អត្រូវពេលតែម្ដងជាពិសេសមុនកម្ពុជាធ្វើជាម្ចាស់ស៊ីហ្គេម ២០២៣។
ឯកឧត្ដម វ៉ាត់ ចំរើន តំណាងឲ្យ NOCC និង CAMSOC បានឲ្យដឹងថា វគ្គបណ្ដុះបណ្ដាលគ្រូកីឡាវាយកូនបាល់កម្រិតដំបូង និងមធ្យមដែលធ្វើឡើងរយៈពេលជាង១០ថ្ងៃនេះគឺមានសារសំខាន់ និងត្រូវពេលវេលាមុនស៊ីហ្គេមតែម្ដង។ វគ្គនេះនឹងជួយដល់កម្ពុជាឲ្យបានត្រៀមខ្លួនក្នុងការរៀបចំព្រឹត្តិការណ៍ដ៏សំខាន់នៅឆ្នាំក្រោយ។
កន្លងទៅកម្ពុជាមិនដែលរៀបចំការប្រកួតធំបែបនេះនោះទេ ដូច្នេះវគ្គនេះនឹងជួយច្រើនដល់សហព័ន្ធកីឡាវាយកូនបាល់។ នេះជាពេលវេលាមួយដែលគ្រប់គ្នាត្រូវភ្ញាក់ឡើងដើម្បីរៀបរយចំពោះការរៀបចំធ្វើជាម្ចាស់ផ្ទះឆ្នាំក្រោយ។
អ្នកជំនាញផ្នែកកីឡាខាងលើនេះ ក៏លើកទឹកចិត្តដល់សិក្ខាកាមចូលរួមវគ្គនេះទាំងអស់ប្រសិនបើចង់ធ្វើការស្ម័គ្រចិត្តនៅស៊ីហ្គេម ២០២៣ អាចទំនាក់ទំនងចុះឈ្មោះជាមួយ NOCC ពីពេលនេះតទៅបាន។
រំលឹកដែរថា វគ្គបណ្ដុះបណ្ដាលគ្រូកម្រិតដំបូង និងមធ្យម នេះចាប់ផ្ដើមឡើងចាប់ពីថ្ងៃទី១ ដល់ ១២ ខែសីហា ឆ្នាំ២០២២។ សិក្ខាកាមចូលរួមចម្រុះជាតិសាសន៍ ២០នាក់។ វគ្គនេះគឺផ្ដោតលើច្បាប់មូលដ្ឋានគ្រឹះកីឡាវាយកូនបាល់ ការលេង ការបង្ហាត់ និងមូលដ្ឋានគ្រឹះតែម្ដង៕
