- 2022-08-04 03:24:02
- កីឡាផ្សេងៗ
កម្មវិធីម៉ារ៉ាតុងនៅកម្ពុជា មានលក្ខណៈល្អពិសេសជាងបណ្ដាប្រទេសមហាអំណាច ជប៉ុន ចិន អង់គ្លេស
- 2022-08-04 03:24:02
- ចំនួនមតិ 0 | ចំនួនចែករំលែក 0
កម្មវិធីម៉ារ៉ាតុងនៅកម្ពុជា មានលក្ខណៈល្អពិសេសជាងបណ្ដាប្រទេសមហាអំណាច ជប៉ុន ចិន អង់គ្លេស
ចន្លោះមិនឃើញ
លោក សែម ផល្លារ តំណាង Cambodia Events Organizer បានបង្ហាញពីលក្ខណៈពិសេសកម្មវិធីម៉ារ៉ាតុងចក្រភពខ្មែរថា ល្អ ពិសេសជាងបណ្ដាប្រទេសដូចជា ជប៉ុន ចិន អង់គ្លេស ត្រង់ផ្លូវរត់មានកាត់ទីក្រុង កាត់ប្រាសាទ និងវាលស្រែ។
តំណាង Cambodia Events Organizer បានឲ្យដឹងថា ម៉ារ៉ាតុងល្បីៗលើពិភពលោកដូចជា Tokyo Marathon London Marathon Beijing Marathon និងបណ្ដាប្រទេសមួយចំនួនភាគច្រើនរត់តាមទីក្រុង ឬមានឆ្លងកាត់ប្រាសាទត្រឹម ១-២ ប៉ុណ្ណោះ។ ដែលចំណុចទាំងនេះគឺវាមិនសូវមានអ្វីប្លែកដល់អ្នកចូលរួម។
លោក សែម ផល្លារ បន្ថែមទៀតថា បើនៅកម្ពុជាគឺមានលក្ខណៈពិសេសៗច្រើនជាងបណ្ដាប្រទេសខាងលើ ទី១ រត់កាត់តំបន់ប្រាសាទបេតិកភណ្ឌពិភពលោក រត់កាត់ប្រាសាទច្រើនផ្សេងៗគ្នា រត់កាត់វាលស្រែ និងរត់កាត់ទីក្រុង។ ទេសភាពបែបធម្មជាតិ ទិដ្ឋភាពខៀវស្រងាត់ មានស្រែចម្ការ នេះជាអ្វីដែលអ្នករត់ចង់បាន និងចង់បានអារម្មណ៍ថ្មី។
រំលឹកដែរថា ទិវារត់ប្រណាំងម៉ារ៉ាតុងចក្រភពខ្មែរ លើកទី៧ ខែសីហា ២០២២ នេះនៅសល់តែ៣ថ្ងៃទៀតទេនៅក្នុងខេត្តសៀមរាប មុខប្រាសាទអង្គរវត្ត។ ចំណែកវិញ្ញាសាគឺមាន៣ ៤២គីឡូម៉េត្រ ២១គីឡូម៉ែត្រ ១០គីឡូម៉ែត្រ និង៣គីឡូម៉ែត្រ៕
