- 2022-07-25 03:51:52
- កីឡាផ្សេងៗ
សហព័ន្ធវាយកូនឃ្លីលើតុ៖ ការប្រកួតជើងឯកថ្នាក់ជាចលនាបំផុសទឹកចិត្តដល់មហាជន
- 2022-07-25 03:51:52
- ចំនួនមតិ 0 | ចំនួនចែករំលែក 0
សហព័ន្ធវាយកូនឃ្លីលើតុ៖ ការប្រកួតជើងឯកថ្នាក់ជាចលនាបំផុសទឹកចិត្តដល់មហាជន
ចន្លោះមិនឃើញ
ប្រធានសហព័ន្ធកីឡាវាយកូនឃ្លីលើតុ ថាការរៀបចំការប្រកួតជើងឯកថ្នាក់ជាតិ ឆ្នាំ២០២១ នេះគឺជាចលនាមួយមានសារសំខាន់ដល់ការបំផុសទឹកចិត្តមហាជនឲ្យស្រឡាញ់ និងចូលចិត្តប្រភេទកីឡានេះ។
ឯកឧត្ដម គៀត ច័ន្ធថារិទ្ធ ក្នុងនាមជាប្រធានសហព័ន្ធគឺថ្លែងអំណរគុណដល់គណៈកម្មការរៀបចំការប្រកួតដែលបានរៀបចំការប្រកួតជើងឯកថ្នាក់ជាតិនេះឡើងដែលក្នុងគោលបំណងបំផុសទឹកចិត្តមហាជនឲ្យស្រឡាញ់ចូលចិត្ត និងចាប់ផ្ដើមលេងកីឡាវាយកូនឃ្លីលើតុនេះ។
ទន្ទឹមនិងនេះដែរក៏ជាការវាស់ស្ទង់សមត្ថភាព ពង្រឹងលក្ខណៈបច្ចេកទេសដល់កីឡាករ កីឡាការិនីផងដែរដើម្បីជាការត្រៀមខ្លួនឆ្ពោះទៅស៊ីហ្គេម ឆ្នាំ២០២៣ កម្ពុជាធ្វើជាម្ចាស់ផ្ទះ។ ការប្រកួតនេះដែរធ្វើឲ្យគណៈកម្មការទទួលបានបទពិសោធល្អៗ និងមានសមត្ថភាពគ្រប់គ្រាន់នៅពេលដឹកនាំការប្រកួតឆ្នាំ២០២៣ ខាងមុខនេះ។
រំលឹកដែរថា ដោយសារតែជំងឺកូវីដ ១៩ ទើបធ្វើឲ្យការប្រកួតជើងឯកថ្នាក់ជាតិ នៅឆ្នាំ២០២១ ត្រូវពន្យាពេលរហូតមកដល់ពេលនេះទើបបានរៀបចំ។ សហព័ន្ធកីឡាវាយកូនឃ្លីលើតុ បានរៀបចំការប្រកួតជើងឯកថ្នាក់ជាតិ ២០២១ នេះឡើងមានរយៈពេល ៤ថ្ងៃគឺចាប់ពីថ្ងៃទី១៩ ដល់ ២២ ខែកក្កដា ឆ្នាំ២០២២ នៅពហុកីឡដ្ឋានជាតិ៕
